16.04.2019 / 15:30

Арцыбіскуп Кандрусевіч пра знос крыжоў у Курапатах: Я не мог маўчаць 7

Мітрапаліт нядаўна перанёс аперацыю на хрыбетніку, таму не можа сядзець, а стаіць, фота catholic.by

16 красавіка Старшыня Канферэнцыі каталіцкіх біскупаў у Беларусі арцыбіскуп Тадэвуш Кандрусевіч сустрэўся з журналістамі на традыцыйнай прэс-канферэнцыі напярэдадні Вялікадня. Была закранутая і тэма Курапатаў, паведамляе catholic.by

Мітрапаліт Тадэвуш Кандрусевіч сказаў, што нядаўні знос крыжоў у Курапатах скалынуў шырокую грамадскасць і выклікаў боль і непаразуменне ў беларускіх хрысціянаў розных канфесій. Каментуючы гэтае святатацтва, іерарх, у прыватнасці, адзначыў:

«Вялікі пост. У цэнтры ўвагі мы ў Касцёле, і ў Праваслаўнай Царкве, ва ўсіх хрысціянаў мы ставім Крыж. Мы пакланяемся Крыжу <…> І ў гэты самы час зносяцца Крыжы… З дазволам, без дазволу пастаўленыя — гэта ўжо другасная справа. Я за тое, каб усё было паводле закона, аднак калі іх ставілі, асабліва ніхто не пярэчыў. Крыж — гэта сімвал хрысціянства, <…> гэта — святыя рэчы для людзей. (…) Таму я не мог маўчаць, бо гэта — знявага Крыжа».

У адказ на правакацыйны і зняважлівыя каментары, пакінутыя некаторымі карыстальнікамі ў адрас арцыбіскупа Кандрусевіча з нагоды яго зваротаў адносна знішчэння Крыжоў у Курапатах, іерарх з годнасцю адказаў:

«Я нарадзіўся ў Беларусі. Я — грамадзянін Беларусі. Я не выбіраю сваёй Бацькаўшчыны, але служу сваёй Бацькаўшчыне, якой з’яўляецца Беларусь».

Усім нядобразычліўцам арцыбіскуп Кандрусевіч параіў не траціць марна сваёй энергіі на зласлівыя допісы

Арцыбіскуп Тадэвуш Кандрусевіч заклікаў тэрмінова прыпыніць знос крыжоў у Курапатах

«Не зносьце крыжоў! Спыніце крыжалом!» Зварот арцыбіскупа Тадэвуша Кандрусевіча ў сувязі з новым зносам крыжоў у Курапатах

2
Той самы / Адказаць
16.04.2019 / 15:42
Годныя словы кіраўніка Беларускага Касьцёла.

2
Дзядзька / Адказаць
16.04.2019 / 19:34
Давайце хай ён будзе кірауніком краіны, чым праваслауны атэіст)
9
Жора / Адказаць
16.04.2019 / 20:44
Как раз кино смотрел про этот касцел позавчера. А вчера он вспыхнул. Разве это не мистика?
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру