17.04.2019 / 14:10

Ва Украіне знайшлі надмагілле класіка беларускай літаратуры ФОТАФАКТ 12

У Чуднаве, што ў Жытомірскай вобласці, знайшлі надмагільную пліту пісьменніка ХІХ ст. Яна Баршчэўскага, аўтара «Шляхціца Завальні, або Беларусі ў фантастычных апавяданнях», паведамляе сайт chudnivnews.in.ua. 

Знайшлася пліта на прыватным падворку аднаго з гараджан. Мужчына распавёў, што яшчэ ў 2002 ці 2003 годзе капаў траншэю для газавай трубы і натыкнуўся на чыгунную пліту. Яна ляжала ў зямлі на глыбіні 50 сантыметраў. Важыла каля 30—35 кг.

10 гадоў пліта проста стаяла пад хлявом, а потым гаспадар цэментаваў двор і частку тэрыторыі вырашыў прыкрыць плітой. З часам іржа з пліты сцёрлася, і стаў бачны надпіс. Гаспадары лічылі, што ён зроблены па-нямецку. Аднак іх дачка чацвертакласніца Алена вырашыла пашукаць у інтэрнэце, каму належыць пахаванне. 

Хутчэй за ўсё, гэта пліта менавіта з магілы беларуска-польскага пісьменніка Яна Баршчэўскага: свае апошнія гады ён правёў у Чуднаве, дзе ў 1851 годзе памёр. На пліце змешчаны такі надпіс: «Ян Баршчэўскі, які любіў Бога, прыроду і людзей, пісьменнік натхненняў і пачуцця. Жыў цнатліва 70 год. Памёр 28 лютага 1851 года».

1
Той самы / Адказаць
17.04.2019 / 14:23
Гэта цуд! Што зараз будзе рабіць беларуская пісьменьніцкая арганізацыя? (Зразумела, што не прыкарытная).
0
Ангеліна / Адказаць
17.04.2019 / 15:23
Вось гэта знаходка! 
5
Юзік Крулеўскі / Адказаць
17.04.2019 / 15:32
Той самы,

Каб было знойдзена пахаванне, то можна было б пра нешта разважаць: ці перапахаваць у Полацку, ці акультурыць пахаванне на месцы. А так пліта знойдзена на панадворку і халеры ведае: калі, і хто, і адкуль гэтую пліту сюды прыпёр. А саму пліту можна забраць на Беларусь -- у Полацк.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру