17.04.2019 / 14:49

Мядзведзеў заявіў аб перадачы Мінску прапаноў па інтэграцыі з Расіяй 44

Фота урада РФ

Беларусі перададзены распрацаваныя Масквой прапановы па далейшай інтэграцыі, Мінск застаецца вядучым партнёрам Расіі, заявіў прэм'ер-міністр РФ Дзмітрый Мядзведзеў падчас справаздачы ўрада перад Дзярждумай. 

Выступаючы ў Дзярждуме, Мядзведзеў нагадаў, што ў гэтым годзе спаўняецца 20 гадоў дамове Расіі і Беларусі аб Саюзнай дзяржаве. «Гэтая дамова з'яўляецца падмуркам нашага інтэграцыйнага праекта з Беларуссю», — адзначыў ён.

«У гэты момант мы вядзем з нашымі калегамі, з нашымі партнёрамі з Беларусі размову пра тое, якім чынам гэтую інтэграцыю зрабіць яшчэ больш важкай. Беларускім сябрам перададзеныя нашы прапановы па інтэграцыі, але яны вызначаюцца, што для іх з'яўляецца прымальным, што менш прымальным», — расказаў прэм'ер-міністр, дадаўшы, што ведамства ў абедзвюх краінах працягваюць кантактаваць па гэтым пытанні.

Ён таксама адзначыў, што рынак Беларусі важны для Расіі, а доступ да расійскага рынку застаецца не менш важным для Мінска.

«Ніякія рашэнні не перагледжаны і не адмененыя, мы павінны і далей развіваць наша супрацоўніцтва», - падкрэсліў кіраўнік Кабінета міністраў, адзначыўшы, што Масква і Мінск будуць працаваць разам «па ўсіх напрамках, пачынаючы ад супрацоўніцтва ў прамысловай сферы і сканчаючы працай на рынках трэціх краін».

У снежні мінулага года Аляксандр Лукашэнка заявіў, што пад выглядам глыбокай інтэграцыі Масква на самой справе хоча ўключыць Беларусь у склад Расіі.

«Я разумею гэтыя намёкі: атрымайце нафту, але давайце, разбурайце краіну і ўступайце ў склад Расіі, — падкрэсліў ён. — Я заўсёды задаю пытанне: такія рэчы ў імя чаго робяцца? Вы падумалі пра наступствы? Як на гэта паглядзяць у нашай і вашай краіне і міжнародная супольнасць? Не кіем, дык палкай інкарпаруюць краіну ў склад іншай краіны», — сказаў Лукашэнка, падкрэсліўшы, што суверэнітэт для Беларусі — «гэта святое».

9
Павел Ас / Адказаць
17.04.2019 / 15:07
Вельмі добра ідзе інтэграцыя Турцыі з Расеяй. Туркі і самалёт збівалі, і сепаратыстаў якія забіваюць расейскіх салдат падтрымлівалі, і анэксію Крыма не прызнаюць!!!! За гэта ім і танны газ, і вельмі танна будуюць АЭС, і комплексы С-400, і Данкверт да памідороаў не чапляецца. Можа таму што туркі вельмі моцна ІНЭГРІРУЮЦЦА ў Татарстан будуючы там шмат мячэцей????? Вы браты толькі намякніце, за такіе плюшкі мы ўсё зробім як Туркі і нават ад Смаленскай вобласці не адмовімся :)
9
фелікс / Адказаць
17.04.2019 / 15:09
Просім абараніць беларускую мову у Расеі. Чаму у Расеі на шыльдах і указальніках няма надпісаў па-беларуску ?
12
Дзядзька / Адказаць
17.04.2019 / 15:26
Мядзьведзеу гэць у сваю бярлогу!
Паказаць усе каментары/ 44 /
Каб пакінуць каментар, калі ласка, актывуйце JavaScript у наладах свайго браўзеру