Расійскім органам улады патрабуюцца доказы таго, што беларускія вытворцы не займаюцца рээкспартам, пастаўляючы ў Расію прадукцыю з «санкцыйных» краін пад выглядам беларускай. Такі пункт гледжання выказаў журналістам расійскі віцэ-прэм'ер Аляксей Гардзееў, паведамляе ТАСС.

«Нам патрэбны сёння доказы таго, што такія парушэнні больш не будуць з боку беларускіх органаў дапускацца, таму што ўсё ж такі неаднаразова фіксаваліся пастаўкі рээкспарту. Пад выглядам таго, што гэтая прадукцыя з Беларусі, на самай справе яна паступала з розных еўрапейскіх краін», — сказаў ён.

Гардзееў дадаў, што ветэрынарныя службы Расіі і Беларусі вядуць па гэтым пытанні перамовы для таго, каб забяспечыць належны кантроль над прадукцыяй, якая пастаўляецца.

Хочаш падзяліцца важнай інфармацыяй ананімна і канфідэнцыйна?