18.04.2019 / 11:43

Расеец прыкаваў сябе кайданкамі да дрэва ў лесе і выкінуў ключ. Праз два гады знайшлі яго труп 5

У ваколіцах Масквы знайшлі труп экстрэмала, які марыў паўтарыць фокус амерыканскага ілюзіяніста Гары Гудзіні, піша Life.

Фота: © Life.

Шкілет мужчыны, прыкаваны да дрэва, быў знойдзены ў Падмаскоўя напярэдадні. Асобу нябожчыка атрымалася вызначыць амаль адразу: экстрэмал Іван Ключароў, зніклы без вестак два гады таму. Аператыўнікі выказалі здагадку, што няшчасны з невядомай мэтай сам загнаў сябе ў пастку: пад дрэвам знайшлі адразу некалькі пар кайданкоў, замкі, а таксама кнігу «Вузлы».

Хлопец сапраўды любіў праверыць сябе на ўдачлівасць. У 2015-м, марачы паўтарыць трук знакамітага ілюзіяніста Гары Гудзіні, ён адправіўся ў лес з кайданкамі, але нешта пайшло не так. Экстрэмал доўга клікаў на дапамогу, і яна прыйшла ў выглядзе выпадковых мінакоў.

«Мы з сябрамі знайшлі яго прыкаваным у лесе побач з дарогай на Сергіеў Пасад. З лесу даносіліся крыкі аб дапамозе, — распавялі відавочцы, які выратавалі «падмаскоўнага Гудзіні» чатыры гады таму. — Мы патэлефанавалі ягонай маці, і яна паведаміла, што ён любіць так забаўляцца. Нам ён распавёў, што прыкаваў сябе сам і ключы выкінуў».

Адзначым, што фокус з вызваленнем ад наручнікаў, прыдуманы Гары Гудзіні, меў велізарны поспех і дзякуючы яму ілюзіяніст атрымаў свой першы кантракт на выступы разам з тэатрам вадэвіля. Гудзіні вывучаў замкі ўсё жыццё, валодаў энцыклапедычнымі ведамі аб кайданках і з першага погляду вызначаў, які ключ падыдзе кожнаму з іх. Кажуць, што у фокусніка быў адмысловы пояс з гнуткай сталі, у якім было некалькі схаваных адсекаў з рознымі ключамі на выбар.

3
Pauliuk / Адказаць
18.04.2019 / 12:18
Прэмію Дарвіна пасмяротна яму!
7
Чеснок / Адказаць
18.04.2019 / 12:39
Ну хоть звери позавтракали. Все же принес дурак в своей жизни пользу.
10
Звыклы беларус / Адказаць
18.04.2019 / 16:20
Чеснок,
Твая прауда! - не часта лясныя жывёлинки каля Масквы два гады чалавечынкай ласавалися ... рады за их! 
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру