aa.com.tr
Афіцыйны Мінск атрымаў запрашэнне для Аляксандра Лукашэнкі на вячэру лідараў краін Усходняга партнёрства, які пройдзе 13 мая ў Брусэлі. Але пакуль невядома, ці паедзе беларускі кіраўнік у Бельгію, распавёў кіраўнік МЗС Уладзімір Макей, піша Tut.by.
— Прапановы вывучаюцца, вывучаецца фармат гэтых мерапрыемстваў. Глядзім, што там будзе па змесце. Будзем уносіць адпаведныя прапановы кіраўніку дзяржавы, - сказаў Макей.
На пытанне, ці варта, на думку МЗС, прэзідэнту прыняць удзел у мерапрыемствах, Макей адказаў: «Візітаў шмат. Важна, каб яны прыносілі канкрэтныя вынікі».
Нагадаем, Еўрасаюз запрасіў Аляксандра Лукашэнку на вячэру ў Брусэль 13 мая, каб адзначыць 10-ю гадавіну Усходняга партнёрства. У 2017 годзе на саміт Усходняга партнёрства, на які паклікалі беларускага прэзідэнта, паехаў Уладзімір Макей.
