18.04.2019 / 18:20

Надмагільную пліту Яна Баршчэўскага ва Украіне перадалі на захаванне касцёлу 1

Надмагільнай плітой беларуска-польскага пісьменьніка Яна Баршчэўскага, пахаванага ва ўкраінскім мястэчку Чуднаў Жытомірскай вобласьці, заапекавалася мясцовая польская грамада, піша «Радыё Свабода».

Чытайце таксама: Ва Украіне знайшлі надмагілле класіка беларускай літаратуры ФОТАФАКТ

Гаспадары падворка, на якім знайшлася надмагільная пліта, перадалі яе прадстаўнікам Саюзу палякаў, якія прыехалі з Жытоміра, а тыя, у сваю чаргу, — у рыма-каталіцкі касьцёл Адшуканьня Крыжа Гасподняга ў Чуднаве.

Рыма-каталіцкі касьцёл Адшуканьня Крыжа Гасподняга ў Чуднаве.

«Пакуль вырашылі зьбіраць сродкі на рэстаўрацыю, а ўжо пасьля гэтага плянуецца ўхваліць рашэньне, дзе яе ўсталяваць. Папярэдне гаворка ідзе пра тэрыторыю касьцёла», — сказала Свабодзе загадчыца аддзелу культуры Чуднаўскай гарадзкой рады Сьвятлана Захарчанка.

Алена Прыходчанка, вучаніца 4 клясы мясцовай школы, дзякуючы чыёй цікаўнасьці ўдалося знайсьці гістарычную каштоўнасьць.

Паводле яе, Жытомірская абласная рада плянуе надаць надмагільнай пліце статус гістарычнага помніка.

«Калі будзе завершаная рэстаўрацыя і канчаткова вызначана месца ўстанаўленьня пліты, мы абавязкова на гэтае мерапрыемства запросім і польскі, і беларускі бок», — дадала Сьвятлана Захарчанка.

Чуднаўскія ўлады мяркуюць, што Ян Баршчэўскі быў пахаваны на гэтых каталіцкіх могілках. Але дакладнае месца невядомае.

Прадстаўніца Чуднаўскай гарадзкой рады дадала, што месца пахаваньня Яна Баршчэўскага пакуль дакладна не вядомае — у мястэчку было некалькі каталіцкіх могілак.

16
Кажыма праўду / Адказаць
18.04.2019 / 20:26
Гаспадары падворка, на якім знайшлася надмагільная пліта, перадалі яе прадстаўнікам Саюзу палякаў, якія прыехалі з Жытоміра, а тыя, у сваю чаргу, — у рыма-каталіцкі касьцёл Адшуканьня Крыжа Гасподняга ў Чуднаве.

А чаго не Саюзу беларусаў і не ў прыход грэка-каталікоў ці БАПЦ?

Гаротныя недарэкі заклапочаныя адно чарка-скваркай? Адная ганьба: то настаўнікаў не стае (https://nina.nn.by/?c=ar&i=229068), то тутэйшым песняром патурбавацца няма каму.

Алё, змагары, вы ў якіх катухох пазашываліся? Ці то абвясцілі «байкута-ігнор» усяму свету?

https://nn.by/?c=ar&i=229092
Каб пакінуць каментар, калі ласка, актывуйце JavaScript у наладах свайго браўзеру