18.04.2019 / 21:45

У Чэрыкаўскім раёне мясцовая жыхарка пакрыўдзілася і падпаліла дом, у якім знаходзіліся яе знаёмыя

Следчы камітэт расследуе справу пра замах на забойства ў Чэрыкаўскім раёне, здзейснены агульнанебяспечным спосабам.

Злачынства адбылося раніцай 18 красавіка ў вёсцы Верамейкі. 55-гадовая мясцовая жыхарка пасварылася з трыма знаёмымі падчас сумеснай п'янкі. Каб адпомсціць крыўдзіцелям, вяскоўка падпаліла іх дом.

На шчасце, жыхары дома своечасова паспелі выбрацца. Яны не пацярпелі. Падпальшчыцы пагражае турэмны тэрмін.

Каб пакінуць каментар, калі ласка, актывуйце JavaScript у наладах свайго браўзеру