19.04.2019 / 20:36

МЗС: Разбурыць нашы адносіны з Расіяй знешнім сілам не ўдавалася дзесяцігоддзі, Бабіч змог 47

Міністэрства замежных спраў Беларусі адказала на заявы пасла Расіі Міхаіла Бабіча пра тое, што «ўсё сказанае і апазіцыянеркай, і прэзідэнтам не мае пад сабой ніякіх падстаў».

Фота: Вадзім Заміроўскі, Tut.by.

Начальнік упраўлення інфармацыі і лічбавай дыпламатыі МЗС Беларусі Анатоль Глаз заявіў:

— Магу толькі адаслаць да нашага папярэдняга каментарыя з нагоды яго эмацыйных заяў некаторы час таму ў сакавіку. Усё сказанае намі раней цалкам пацвярджаецца. Спадар пасол абсалютна не бачыць ніякай розніцы паміж расійскай федэральнай акругай, дзе, як нам распавядалі, ён любіў раздаваць маралі налева і направа, і незалежнай дзяржавай. Хоць у пасланні прэзідэнт Беларусі абсалютна дакладна і ясна выказаўся з нагоды незалежнасці нашай дзяржавы і скептычных, мякка кажучы, адносін да нашай шматвяковай гісторыі з боку асобных замежных палітыкаў.

Ведаеце, што мае значэнне ў гэтай сітуацыі? На працягу доўгага часу шэраг знешніх сілаў беспаспяхова спрабавалі разбурыць цесныя і сяброўскія адносіны двух брацкіх народаў. Дык вось: тое, што не ўдалося гэтым знешнім сілам на працягу некалькіх апошніх дзесяцігоддзяў, паспяхова і эфектыўна ўдаецца спадару Бабічу літаральна за некалькі месяцаў.

21
Літовец / Адказаць
19.04.2019 / 20:45
Д - дэпартацыя.
20
Дед Мороз / Адказаць
19.04.2019 / 20:46
Калькулятор, вокзал, Росия?! :)
21
ooo / Адказаць
19.04.2019 / 20:48
Я голосую за нон грат.
Паказаць усе каментары/ 47 /
Каб пакінуць каментар, калі ласка, актывуйце JavaScript у наладах свайго браўзеру