21.04.2019 / 19:47

Мінэнерга Расіі патлумачыла пагаршэнне якасці нафты, якая паступае ў Беларусь 2

Праблемы пагаршэння якасці нафты, якая паступае з Расіі па трубаправодах у Беларусь, носяць тэхнічны характар ​​і будуць ліквідаваны ў найбліжэйшы час, паведаміў журналістам прадстаўнік Мінэнерга.

«Праблема носіць тэхнічны характар ​​і не звязаная з пытаннямі, якія абмяркоўваюцца з беларускімі партнёрамі ў частцы ўзаемаадносін у нафтагазавай сферы на сярэдне- і доўгатэрміновую перспектыву», — падкрэсліў спікер ведамства.

Мінэнерга таксама падкрэсліла, што з беларускімі партнёрамі па гэтым пытанні «ідзе канструктыўны дыялог».

Пагаршэнне якасці экспартаванай нафты звязана з перавышэннем нарматыву па колькасці арганічных хларыдаў. Кампанія «Транснафта» ўжо прыняла меры па прывядзенні гэтага паказчыка ў норму, «уключаючы лакалізацыю ачага ўзнікнення падвышанай канцэнтрацыі і перанакіравання грузапатокаў», падкрэслівае Мінэнерга.

Мінімізаваць наступствы для беларускіх НПЗ кампанія мае намер таксама за кошт задзейнічання альтэрнатыўнага маршруту забеспячэння Мазырскага і Наваполацкага заводаў.

0
vovik21.12 / Адказаць
21.04.2019 / 20:13
Да какая разница какой характер носят! Поставили г..., то будьте любезны компенсировать и принести извинения!
0
Юстын / Адказаць
21.04.2019 / 21:15
Дыверсія?
Каб пакінуць каментар, калі ласка, актывуйце JavaScript у наладах свайго браўзеру