22.04.2019 / 13:08

72-гадовы аршанец пакрыўдзіўся на інфакіёск і хітра адпомсціў яму ВІДЭА 7

Пенсіянер з Оршы «адпомсціў» інфакіёску за тое, што не змог зняць грошы, паведаміў БелТА афіцыйны прадстаўнік УУС Віцебскага аблвыканкама Віталь Сапроненка.

72-гадовы аршанец ў памяшканні банка паспрабаваў зняць у інфакіёску грошы. Аперацыя не атрымалася па незалежных ад аўтамата прычынах. Аднак мужчына ўсё ж вырашыў расправіцца з упартай тэхнікай. Узяў 1,5-літровую бутэльку вады і заліў манітор, клавіятуру і купюрапрыёмнік. Стараючыся не прыцягваць увагі, у момант знаходжання іншых наведвальнікаў пенсіянер адыходзіў ад апарата, а потым вяртаўся. Праз некаторы час інфакіёск перастаў працаваць.

Адміністратар аддзялення пры праглядзе камер відэаназірання звярнула ўвагу на падазроныя маніпуляцыі аднаго з наведвальнікаў. Мужчыну затрымалі. Пенсіянер катэгарычна адмаўляў сваю віну, аднак пракалоўся на тэхнічным пытанні, сцвярджаючы, што грошы ўсё-ткі зняў.

За наўмыснае знішчэнне маёмасці заведзена крымінальная справа па ч.1 арт.218, максімальная мера пакарання да двух гадоў абмежавання волі. Прычыненая шкода ацэньваецца ў суму 1300 рублёў.

6
фелікс / Адказаць
22.04.2019 / 13:23
СССР-ментальнасць нерадзівага раба.
6
Той самы / Адказаць
22.04.2019 / 13:31
От партызанскі менталітэт ...
16
Козік / Адказаць
22.04.2019 / 14:00
Гэта ж трэба было так давесці чалавека, каб ён пачаў помсціць..
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру