23.04.2019 / 15:25

У Нямеччыне жанчына апрытомнела пасля 27 гадоў комы 11

У Нямеччыне пацыентка клінікі, якая 27 гадоў знаходзілася ў коме, прыйшла ў поўную прытомнасць. Пра гэта паведамляе Daily Mail.

Жыхарка ААЭ Муніра Абдула атрымала чэрапна-мазгавую траўму ў ДТЗ у 1991 годзе, калі ў яе машыну недалёка ад горада Аль-Айн урэзаўся школьны аўтобус. У аўтамабілі таксама знаходзіўся яе сын Амар Вэбер. Маці выратавала яго, закрыўшы сабой. У хлопчыка былі толькі лёгкія траўмы.

Муніру шпіталізавалі ў мясцовую бальніцу, затым перавялі ў Лондан, каб паставіць дыягназ. Дактары адзначалі, што жанчына знаходзіцца ў мінімальнай свядомасці — стане, падобным на кому, пры якім захоўваецца ўспрымальнасць да болю. Пазней яе вярнулі ў ААЭ, дзе шмат гадоў кармілі праз трубку і праводзілі фізіятэрапію.

У 2017 годзе наследны прынц Абу-Дабі Махамед бен Заід даведаўся пра сітуацыю сям'і Абдула і аплаціў лячэнне Муніры ў Германіі. Праз год Муніра пачала прамаўляць некаторыя гукі, а яшчэ праз некалькі дзён прачнулася і сказала імя свайго сына.

Жанчына вярнулася ў Абу-Дабі разам з сям'ёй і працягвае аднаўляцца. Ёй неабходная фізіятэрапія для лячэння атрафіі цягліц.

23
БРСМ / Адказаць
23.04.2019 / 15:36
Уважліва чытаць усім ідэолагам эўтаназіі...
3
Жвір / Адказаць
23.04.2019 / 16:02
Бедная жанчына. І першае, што прамовіла, гэта сынава імя ! Вось і хто цяпер возьмецца цьвердзіць, што пачуцьці - гэта толькі нейкая хімічная усяго-та формула ?..Ну, хіба можа афігенныя "сьвяцілы", што катуюць людзей у Навінках, зробяць гэта...
3
Язэп Восіпаў / Адказаць
23.04.2019 / 16:17
Уяўляю, каб хто зь беларусаў ня дай божа ў 93 годзе ўпаў у кому, а прачнуўшыся спытаўся: "Ну як пачуваецеся, беларусы? Колькі першакласьнікаў пайшлі сёлета ў беларускія класы? Па-ранейшаму 90% або ўжо ўсе 100%? Як дабрабыт? Ці так сама да нас палякі езьдзяць па тавары або ўжо зраўняліся з намі па эканоміцы?..."
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру