24.04.2019 / 12:25

«Е-дастаўка» абяцае больш не запакоўваць заказы ў мноства пакетаў 2

Тое, пра што амаль год кажа экалагічна падкаваная грамадскасць, адбылося: у замовах «Е-дастаўкі» цяпер будзе не больш за 4 пакеты, піша інтэрнэт-часопіс CityDog.by. Ён даведаўся ў кампаніі, ці сапраўды гэта так і для чаго было прынята такое рашэнне.

Што здарылася

Год таму адразу некалькі мінскіх актывістаў звярнулі ўвагу на дзівацтва: калі замаўляць у «Е-дастаўцы» прадукты розных групаў — гародніна, садавіна, бытавая хімія, малочка, — вам прывозяць ад 5 да бясконцасці поліэтыленавых пакетаў-маек.

Усё бы нічога, калі б не апошнія даследаванні эколагаў. Па-першае, у беларускіх гандлёвых сетках няма пакетаў, якія цалкам раскладаюцца. Па-другое, ад мікрапластыка, які застаецца ў тым ліку ад такіх вось пакетаў, церпяць і прырода, і сам чалавек.

Актывісты сталі пісаць пра такі перадоз пакетаў, якія экспедытары «Е-дастаўкі» ўпарта не хацелі забіраць назад.

Ці тое праз гэта, ці тое з уласнай ініцыятывы ўвосень мінулага году «Еўраопт» паведаміў, што ўсе пакеты-майкі ў іх крамах на касах цяпер будуць платнымі.

Быццам бы дакладна: пакетаў у анлайн-замовах «Е-дастаўкі» будзе менш

На днях CityDog.by даведаўся ад экспедытараў, што цяпер яны будуць прывозіць ў замове не больш за 4 пакеты-майкі. Маўляў, такая каманда паступіла з галаўнога офіса, і нават ахоўнікі «Е-дастаўкі» сталі пільна сачыць за гэтым.

Па каментары звярнуліся ў прэс-службу «Еўрагандлю».

— Многія з нашых кліентаў выказвалі заклапочанасць у сувязі вялікай колькасцю пакетаў у замовах і справядліва бачылі ў гэтым значную шкоду для экалогіі, — распавялі CityDog.by ў прэс-службе «Еўрагандаль». — Анлайн-гіпермаркет «Е-дастаўка» робіць усё магчымае, каб знізіць колькасць пластыкавых пакетаў у замовах і стаць больш экалагічным сэрвісам.

Мы цалкам перагледзелі працэс камплектоўкі тавараў, а таксама распрацавалі новыя правілы для персаналу, якія дазваляюць выконваць усе патрабаванні санэпідстанцыі і па меры магчымасці перашкаджаць забруджванню навакольнага асяроддзя.

1
Лысы чорт / Адказаць
24.04.2019 / 13:43
Па-першае, у беларускіх гандлёвых сетках няма пакетаў, якія цалкам раскладаюцца. А на пакетах Гиппо и Рублёвского пишут что биоразлагаем. Узнайте, правда ли это, а то получается зря переплачивать??
0
Swamp / Адказаць
24.04.2019 / 15:46
Спадзяюся, гэтае абяцанне датычыцца так сама и Гiпермолу
Каб пакінуць каментар, калі ласка, актывуйце JavaScript у наладах свайго браўзеру