24.04.2019 / 12:44

Мінскі таксіст атрымаў велізарны штраф за малітву каля Кафедральнага сабора 8

Леанід Кулакоў на фота трымае сцяг. Фота Волі Афіцэравай.

Таксіста Леаніда Кулакова асудзілі за ўдзел у малітве каля Кафедральнага сабора 7 красавіка без дазволу Мінскага гарвыканкама. На тым маленні ён трымаў бел-чырвона-белы сцяг.

На Кулакова склалі адміністратыўны пратакол за ўдзел у несанкцыянаванай акцыі. Суддзя Валерый Есьман аштрафаваў гэтага жыхара Мінска на 45 базавых велічыняў (1147,5 рубля).

«У пратаколе было напісана, што мітынгаваў у несанкцыянаваным месцы, а на судзе амапавец сказаў, што я нічога не рабіў, проста стаяў маліўся. Дык што, цяпер вернікі не могуць маліцца каля касцёлу? Можа, выклікаць святароў і запытаць, дзе можна маліцца, а дзе нельга? Буду абскарджваць прысуд», — распавёў belsat.eu Леанід Кулакоў.

Такі ж пратакол атрымаў актывіст «Еўрапейскай Беларусі» Яўген Афнагель.

14
фелікс / Адказаць
24.04.2019 / 13:05
Навошта так лупіць ? Далі б якіх 2 базавых ды й усё. Не, трэба так рубануць, каб калені увагнуліся.
9
Чеснок / Адказаць
24.04.2019 / 14:08
Молиться можешь, а вот БКБ-флаг это уже триггер для властей
0
Танчык / Адказаць
24.04.2019 / 15:08
Абавязкова абскарджваць.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру