24.04.2019 / 16:16

Пазняк жорстка прайшоўся па былых паплечніках Трусаву і Голубеву: «Пайшлі на паклон да беса» 47

Кіраўнік КХП-БНФ, палітэмігрант Зянон Пазняк у інтэрв’ю Радыё «Свабода» згадаў сваіх былых паплечнікаў па Апазіцыі БНФ у Вярхоўным Савеце — аднаго з кіраўнікоў ТБМ Алега Трусава і гісторыка Валянціна Голубева.

Зянон Пазняк (першы злева), Алег Трусаў (у цэнтры) і Валянцін Голубеў (другі справа).

У адказ на пытанне Сяргея Навумчыка пра вяртанне Зянона на радзіму, дзе ён працытаваў Алега Трусава «Лукашэнка хоча, каб Пазняк вярнуўся», палітык адказаў наступнае:

«Здрада маральным прынцыпам двух дэпутатаў незалежнасці, якія пайшлі на збор нечасцівых і кажуць пра шчасце, што сатрап, нішчыцель нацыі звярнуў на іх увагу, — усё гэта яшчэ не азначае паразу ідэі. Нават калі б усе паплечнікі, дэпутаты-адраджэнцы (як некалі дзеячы БНР) пайшлі б на паклон да беса (а ўсе не пойдуць) — гэта не азначала б паразы ідэалаў свабоды і незалежнасці Беларусі, пакуль вольным і нясхільным буду я», — сказаў Пазняк.

Няцяжка пазнаць у гэтых дэпутатах незалежнасці Алега Трусава і Валянціна Голубева, якія 1 сакавіка ўдзельнічалі ў «Вялікай размове», якую праводзіў Аляксандр Лукашэнка.

Трусаў меў магчымасць праз мікрафон звярнуцца да кіраўніка Беларусі, а Голубеў падышоў паразмаўляць з Лукашэнкам. Мы папрасілі спадароў Трусава і Голубева пракаментаваць выказванні Пазняка.

«Я ніколі прынцыпова не каментую выступы Пазняка, што б ён ні казаў, бо гэта мой стары сябра. Я ніколі не крытыкую Пазняка, бо многія хочуць нас пасварыць. Не атрымаецца.

Пазняк маё імя і прозвішча не называў, а назваў Навумчык. Не ўсё так проста. Я ў фэйсбуку павіншаваў Пазняка з днём нараджэння. Нас пасварыць хацелі яшчэ ў 1994, але не атрымалася, не атрымаецца і сёння», — сказаў Алег Трусаў.

«Я не хачу гаварыць тут нічога. Я не хачу ні перад кім апраўдвацца, я ведаю, чаму я пайшоў туды, я ведаю, што нікому не здрадзіў і нічога кепскага не зрабіў.

Я ведаю, што за гэтыя гады, пакуль Зянона няма тут, я шмат зрабіў для роднай Беларусі. Не хачу ні апраўдвацца, ні спрэчкі весці. Я проста працую для Беларусі, жыву ў Беларусі і памру ў Беларусі. Пры любой магчымасці я буду рабіць усё для Беларусі, а не спрачацца ці казаць пра кагосьці брыдкасці», — такую рэакцыю выклікалі словы Пазняка ў Валянціна Голубева.

ЗП

79
не для комментария,а для редакции. / Адказаць
24.04.2019 / 16:38
Усё,як у большасьцi каментатарау: хто не молiцца на Пазняка,той троль ды гэбня. PS: не Пазняку судзiць  тых,хто жыве у Беларусi i  не шукае лёхкага ды салодкага хлеба чужыны...Я асабiста з таго БНФ паважаю толькi Л.Баршчэускага.  
57
Грязный Гарри / Адказаць
24.04.2019 / 16:43
Господа,ваш раздрай с конца девяностых уже сильно притомил.если не сказать жестчеИ все больше напоминает разборки между Паниковским и Шурой Балагановым на тему "А ты кто такой?"Уже старые люди.смиритесь друг с другом и сами с собой,ибо больше вы никому не интересны на сегодняшний день.Увы...
28
Лявонiха / Адказаць
24.04.2019 / 16:43
Позиция Голубева и Трусова достойна уважения.
Но Позняк ведь прав - прогнулись ребята перед Лукашенко.
Ведь все знают кто стоит за исчезновением политиков,
все знают кто уничтожил национальные символы,
все знают кто фальсифицирует  выборы,
все знают кто приказал снести кресты в Куропатах -
а все равно - идут на всякие собрания с его уучастием,
чуть не гордятся разговором с ним.
Что это как не измена своим принципам и белорусской национальной идее?
Позняк - Forever! Жыве Беларусь!
Паказаць усе каментары/ 47 /
Каб пакінуць каментар, калі ласка, актывуйце JavaScript у наладах свайго браўзеру