14.01.2009 / 12:33

Літоўцы сікаюць на ўсход абноўлена, дапоўнена 23

У Бруселі адкрылася мастацкая выстава, што выклікала вялізныя спрэчкі. Яна мусіла высмеяць стэрэатыпы пра розныя краіны, але справакавала абурэнне. Дадатковы шок стаўся, калі аказалася, што куратар выставы паклаў сабе ў кішэню $600 000, прызначаных мастакам.

У Бруселі адкрылася мастацкая выстава, што выклікала вялізныя спрэчкі. Яна мусіла высмеяць стэрэатыпы пра розныя еўрапейскія краіны, але справакавала найперш абурэнне.

Выставу Радзе Еўропы падарыла Чэхія — новы старшыня Еўрасаюзу. Для яе 27 мастакоў з 27 краінаў Еўрасаюзу стварылі інсталяцыі, карыкатуры, скульптуры пра свае краіны як іх часта — і памылкова — уяўляюць за мяжой.

Што выйшла?

У Польшчы — якую часта малююць як самую кансерватыўную краіну ЕС — каталічныя ксяндзы і манашкі ўсталёўваюць вясёлкавы сцяг гей-руху. Касцёл запратэставаў.

Балгарыя выяўленая ў выглядзе вялікага сарціру для суседняй Турцыі.
Балгарскія нацыяналісты ўзвылі.

Францыя ўся ўкрытая забастовачнымі лозунгамі.

А Брытанія зусім адсутнічае — бо брытанцы еўраінтэграцыі не радыя.

Шура-бура ўзнялася і ад літоўскае скульптуры. Яна ўяўляе сабой «Альтэрнатыўны помнік незалежнасці Літвы». На ёй пяць бравых літоўцаў сікаюць праз дзяржаўную мяжу.

Мастачка меркавала такім чынам высмеяць стэрэатыпныя ўяўленні пра русафобію літоўцаў. Аднак абураюцца беларусы, бо на ўсход ад Літвы такі знаходзіцца не Расія, а Беларусь. Непаліткарэктна.

«Мой праект можна разглядаць у якасці альтэрнатыўнага помніка незалежнасці Літвы і своеасаблівага адлюстравання несправядлівасцяў мінулага», — апраўдвалася скульптарка Вілма Стасюлітэ ў інтэрв'ю газеце «Летувас рытас».

Дадатковы шок стаўся, калі аказалася, што скульптарка — выдуманая. Выдуманая, бо насамрэч усе 27 мастацкіх твораў выканаў сам куратар выставы — чэскі творца Давыд Чэрны.

Ён проста прыдумаў 27 імёнаў няісных мастакоў і паклаў сабе ў кішэню 600 000 даляраў ганарараў, нібыта выплачаных ім...

Чэрны стаў вядомы ў 1991 годзе, калі памаляваў у ружовы колер савецкі танк на пастаменце ў Празе. Другім скандалам стала ягоная скульптура Садама Хусэйна ў фармальдэгідзе — прынамсі дзве краіны забаранілі выстаўляць яе. Вялікі розыгрыш еўрабюракратаў стаў трэцім вялікім перформансам авангардыста.

Калі чэшскія дыпламаты даведаліся пра ашуканства мастака, яны ашалелі. А тут яшчэ балгары сталі патрабаваць дэмантажу інсталяцыі.

Са свайго боку Чэрны — задаволены сабой — заявіў, што гатовы вярнуць грошы ўраду.

Хочаш падзяліцца важнай інфармацыяй ананімна і канфідэнцыйна?

МБ

0
Сяргей / Адказаць
14.01.2009 / 12:47
быдла
0
Хаха / Адказаць
14.01.2009 / 13:08
Открывшаяся в Брюсселе 12 января выставка "Entropa", посвященная стереотипам восприятия европейских стран, целиком создана группой чешских художников. Ранее сообщалось, что каждый из 27 национальных проектов выполнил представитель одной из стран Евросоюза. В розыгрыше признался скульптор Давид Черны (David Cerny): "Гротескное преувеличение и мистификация - отличительная черта чешской культуры, а создание вымышленных персонажей является одной из стратегий современного искусства". Скульптора цитирует агентство France Presse. Черны принес свои извинения, но не преминул отметить следующее: "Мы знали, что правда выйдет наружу, но прежде чем это произошло, мы хотели убедиться, что Европа может посмеяться над собой".
0
Актывіст / Адказаць
14.01.2009 / 13:10
Літоўцы апошнім часам усё болей і болей нарываюцца...
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру