26.04.2019 / 06:34

Украіна спыніла транзіт расійскай нафты праз Беларусь

Кампанія «Укртранснафта» прыпыніла транзіт расійскай нафты праз Беларусь па магістральным нафтаправодзе «Дружба», паведамляецца ў фэйсбуку кампаніі.

Транзіт прыпынілі, паколькі нафта «не адпавядае якасным паказчыкам», паведамілі ў кампаніі. Акрамя таго, у Славакіі адмовіліся ад прыёму няякаснай нафты, а ў Венгрыі няма свабодных рэзервуараў пад сыравіну, дадалі ва «Укртранснафта».

У беларускай кампаніі «Гомельтранснафта Дружба» пацвердзілі спыненне транзіту расійскай нафты. На ўчастку «Мазыр — Броды» цалкам спыненая перакачка нафты.

Каб пакінуць каментар, калі ласка, актывуйце JavaScript у наладах свайго браўзеру