26.04.2019 / 16:03

І «Першамая» таксама не будзе. Незалежныя прафсаюзы адмовіліся ад акцыі на Дзень працы 7

Беларуская канфедэрацыя дэмакратычных прафсаюзаў вырашыла ў 2019 годзе адмовіцца ад правядзення вулічных акцый на 1 мая — Міжнародны дзень салідарнасці працоўных. Прычына тая ж, што з Чарнобыльскім шляхам: не хочуць плаціць міліцыі за ахову, паведамляе Радыё Свабода.

Адмову ад акцыяў пацвердзіў Свабодзе старшыня Канфедэрацыі Аляксандр Ярашук — гэтае рашэнне прынялі 11 красавіка.

Прычына адмовы ад акцыяў, тлумачыць Ярашук, тая ж, што была ў арганізатараў Чарнобыльскага шляху: міліцыі трэба плаціць «шалёныя грошы», а гэта, кажа ён, «здзек з людзей, з арганізацыі, са здаровага сэнсу». Калі выбіраць між тым, каб адмаўляцца ад аплаты і парушаць правілы арганізацыі мітынгаў, і тым, каб нічога не ладзіць, другое будзе больш правільным, разважае ён.

«Калі нешта іншае ўчыняць, трэба мець сілы і гатоўнасць людзей рабіць масавыя акцыі, — кажа Ярашук. — А ні гатоўнасьці, ні сілаў мы не бачым. Людзі яшчэ не гатовыя выйсьці за свае правы і прынцыпы».

5
Язэп Восіпаў / Адказаць
26.04.2019 / 16:17
"Дайте народу работу и свободу" - гэты лозунг спрэс супярэчлівы. Па-першае, свабоду не даюць, яе людзі здабываюць самі. Па-другое, свабодныя грамадзяне ствараюць бізнэс і, адпаведна, працоўныя месцы.
51
Брыдкая пачвара / Адказаць
26.04.2019 / 16:25
А навошта тады прафсаюз, калі не мае магчымасці ці не жадае падтрымліваць працоўных? Вунь афіцыйны—хоць танную пуцёўка ў санаторый дасць, або квіткі на хакер ці на канцэрт купіць
2
Aleh / Адказаць
26.04.2019 / 18:11
Я считаю правильным это решение.Надо ждать пока народ очнется,а не проводить малочисленные акции протеста.Тогда милиции не то что денег не дадут на охрану их самих погонят ссаными тряпками.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру