14.01.2009 / 17:28

Раслінны інсулін ужо тэстуюць на людзях 1

Яго робяць з генетычна мадыфікаванага шафрану.

Генетыкі канадскай кампаніі SemBioSys Genetics пачалі тэставанне на людзях інсуліну, атрыманага з раслінаў.

Гармон, жыццёва неабходны дыябетыкам, будзе значна таннейшым, калі пройдзе тэставанне.

Раней інсулін рабілі з клетак жывёлаў — кароў і свінняў. Але гэты спосаб быў занадта дарагі для прамысловай вытворчасці. Пазней інсулін пачалі рабіць з генетычна мадыфікаваных бактэрыяў.

Канадскія навукоўцы вынайшлі новы шлях — яны ўсталявалі ў шафран гены, якія прымусілі расліну ствараць праінсулін. Пасля апрацоўкі ферментамі быў атрыманы новы від інсуліну — SBS‑1000.

Зараз у Вялікабрытаніі праходзяць першыя стадыі клінічных выпрабаванняў. Трыццаць здаровых валанцёраў правяраюць на сабе дзеянне сінтэтычнага гармону. Атрыманыя вынікі кампанія агучыць у першай палове гэтага году.

ЯС паводле Membrana.ru

Хочаш падзяліцца важнай інфармацыяй ананімна і канфідэнцыйна?

0
Jr / Адказаць
14.01.2009 / 22:01
"Раслінны інсулін ужо тэстуюць на людзях" - марсіяне?! маскалі?!! Загаловак трохі пужае! :)))
Каб пакінуць каментар, калі ласка, актывуйце JavaScript у наладах свайго браўзеру