Пасля трох гадзін ночы ратавальнікам паступіла паведамленне ад жанчыны аб тым, што яна заблукала ў лесе каля аграгарадка Вежы Слуцкага раёна і не можа выйсці самастойна, паведамляе МНС
Работнікам МНС, якія выехалі на месца, спатрэбілася менш за паўгадзіны, каб знайсці яе: у 3.38 пацярпелая выйшла на святло і гук пажарнай аўтацыстэрны.
Высветлілася, што жанчына выйшла з хаты сустракаць мужа. На зваротным шляху пара вырашыла пайсці праз лясны масіў, дзе па нейкіх прычынах муж вырашыў пакінуць жонку адну, а сам накіраваўся дадому. Згодна з папярэдняй інфармацыяй, абодва былі ў стане алкагольнага ап'янення, паведамілі ў МНС.
