30.04.2019 / 11:59

У Радзе бяспекі Уцюрын адказваў за міліцыю, часта сустракаўся з Шуневічам і Караевым 8

Традыцыйна склалася, што намеснікі дзяржаўнага сакратара Рады бяспекі прадстаўляюць розныя сілавыя блокі: міліцыю, армію і КДБ. Гэта было зроблена для таго, каб ураўнаважыць уплывы розных сілаў на прыняцце рашэнняў.

Андрэй Уцюрын на сустрэчы МУС па пытанні распаўсюду наркотыкаў. Фота БелТА. 

Міністэрства абароны ў Радзе бяспекі прадстаўляе генерал-маёр Міхаіл Пузікаў, які доўгі час быў намеснікам міністра абароны.

Ад КДБ — Уладзімір Арчакаў. Да прызначэння ў Раду бяспекі Арчакаў узначальваў Віцебскае абласное ўпраўленне КДБ. Дарэчы, менавіта Арчакаў — адзін з аўтараў канцэпцыі інфармацыйнай бяспекі Беларусі, якая зусім нядаўна была на парадку дня.

У сферу адказнасці Андрэя Уцюрына ўваходзіла Міністэрства ўнутраных справаў.

Дарэчы, цікавы факт: калі паглядзець біяграфіі дзяржсакратара Рады бяспекі (Станіслава Зася), а таксама трох ягоных намеснікаў, то высветліцца, што ў Беларусі нарадзіўся толькі Міхаіл Пузікаў.

Уцюрын вучыўся акурат у міліцэйскіх навучальных установах (Саратаўскае вышэйшае вайскова-каманднае вучылішча МУС Расіі і Акадэмія МУС Беларусі). Нядоўгі час да прыходу ў Службу аховы Лукашэнкі Уцюрын папрацаваў у органах міліцыі.

Паглядзім таксама на тыя мерапрыемствы, дзе прысутнічаў Уцюрын. Ён бярэ ўдзел у выніковых калегіях МУС за год, быў на сумесных трэніроўках беларускага і кітайскага спецназаў унутраных войскаў, на нарадах МУС па супрацьдзеянні распаўсюду наркотыкаў, віншаваў атрады міліцыі асаблівага прызначэння (спецназы) з 30-годдзем, уручаў узнагароду ад імя Рады бяспекі начальніку АМАПа Мінгарвыканкама Дзмітрыю Балабе, меў цесныя кантакты з міністрам Ігарам Шуневічам па лініі БФСА «Дынама».

Лагічна, што ва Уцюрына вельмі частымі былі кантакты з міністрам унутраных справаў Ігарам Шуневічам і кіраўніком унутраных войскаў Юрыем Караевым.

Адзначым, што крымінальную справу ў адносінах Уцюрына расследуе КДБ.

Чытайце:

КДБ арыштаваў Андрэя Уцюрына — намесніка старшыні Рады бяспекі, былога начальніка службы аховы Лукашэнкі

Пяць фактаў пра Андрэя Уцюрына, які 7 гадоў кіраваў службай аховы Лукашэнкі

КДБ пра затрыманне Уцюрына: «Без каментароў»

Што пісаў у твітары сын Андрэя Уцюрына пасля затрымання бацькі

Як выглядае катэдж у Драздах, які належыць арыштаванаму Андрэю Уцюрыну

КДБ не пашкадаваў нават кватэру Уцюрыных, пабудаваную з ільготным крэдытам і аформленую на жонку

ЗП

0
счётчик Гейгера / Адказаць
30.04.2019 / 12:07
"эта было зроблена для таго, каб ураўнаважыць уплывы розных сілаў на прыняцце рашэнняў."

Гэта каб адна силавая структура " данасила" на другую и клали дыктатару кожны дзень даклад "аб сытуацыи у краине". А гдзе уравнважанне розных галтноу улады у краине.

2
Палкоўнік Зэман / Адказаць
30.04.2019 / 12:24
A можа пераварот рыхтавалi?
1
Дзядзька / Адказаць
30.04.2019 / 12:29
У сілавым блоку адны ма--алі і гэта асноуная бяда Беларусі.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру