30.04.2019 / 16:37

Жонка Зяленскага распавяла, як яе муж накрычаў на Каламойскага 6

Жонка новаабранага прэзідэнта Украіны Уладзіміра Зяленскага Алена заявіла, што яе муж не гатовы ісці на саступкі прэзідэнту Расіі Уладзіміру Пуціну, але гатовы весці перамовы з Расіяй у прысутнасці міжнародных лідараў.

Пра гэта яна распавяла ў інтэрв'ю The Daily Beast.

«Немагчыма пачаць з нуля. Я не думаю, што ў бліжэйшы час будуць прамыя двухбаковыя перамовы. Уладзімір не гатовы ісці на саступкі перад агрэсарам, але ён гатовы весці перамовы з Расіяй у прысутнасці міжнародных лідараў», — сказала Зяленская.

Таксама яна заявіла, што за апошнія 5 гадоў большасць палітыкаў перасталі ўспрымаць гумар «95 Квартала» з годнасцю.

Пасля гэтага, па яе словах, яны вырашылі, што «трэба нешта рабіць, каб не ператварыцца ў Расію».

Таксама, па словах Зяленскай, яе «дэмакратычнаму мужу будзе лёгка быць слугой народа, а не гаспадаром».

«Уладзімір ніколі не стане чыёйсьці марыянеткай», — сказала Зяленская.

Паводле яе слоў, у 2015 годзе Зяленскі змагаўся супраць цэнзуры алігарха.

«У нас быў знакаміты скандал, калі Каламойскі адмяніў трансляцыю нашага палітычнага сцэнічнага шоу на сваім тэлеканале 1+1 з-за палітычных жартаў. Уладзімір патэлефанаваў яму па тэлефоне і закрычаў так гучна, што я падумала, што мы ніколі больш не будзем паказваць нашы перадачы па тэлевізары», — распавяла яна і назвала гэта «пераломным момантам».

Яна заявіла, што даволі сур'ёзна ставіцца да барацьбы за свабоду, асабліва за свабоду слова. Асабліва адносна забойстваў журналістаў і актывістаў, у прыватнасці, Паўла Шарамета і актывісткі Кацярыны Гандзюк.

«Журналістаў і актывістаў забіваюць — гэта найгоршы кашмар; праходзяць гады і злачынствы не расследуюцца. Цяпер мы спадзяемся ўбачыць справядлівасць, пачынаючы з расследавання расстрэлаў на Майдане падчас рэвалюцыі», — сказала яна.

14
Nokia / Адказаць
30.04.2019 / 16:46
73% слузе народа няма чаго сказаць гэтаму самаму народу. Аддуваюцца Разумкоў, Данілюк, жонка, мама, тата...
Каманда так і не была прадстаўлена, бо яе няма. 
4
Матёрый / Адказаць
30.04.2019 / 16:48
И что теперь? Росссия ныведит войска из Украины.
3
Матёрый / Адказаць
30.04.2019 / 16:49
Украина, Грузия, Молдова с кем только руссские не воевали. Кто следующий?
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру