У Калінкавіцкім раёне ў калодзежы сістэмы водазабеспячэння патанула 4-гадовае дзіця. Глыбіня калодзежа складала 2 метры, вада ў ім паднімалася прыкладна на 1 метр.
Трагедыя адбылася 30 красавіка. Паблізу прыватнага дома дзіця гуляла з аднагодкамі ў хованкі. За гульнёй дзяцей назірала маці хлопчыка. Яна хутка заўважыла, што сын знік, кінулася на яго пошукі. Дзеці, якія гулялі з ім, не маглі растлумачыць, куды падзеўся хлопчык. Да пошуку падключыліся сваякі і суседзі.
Тэхнічны калодзеж у зарасніку яны заўважылі амаль выпадкова. Калі ж зазірнулі ў яго, усё стала ясна.
0
0
0
0
0
0