15.01.2009 / 17:54

У ЛПП з аркестрам 21

У Мінску прайшла ўрачыстая адпраўка ў лячэбна-працоўны прафілакторый 35 хранічных алкаголікаў. Мерапрыемства прайшло пры ўдзеле аркестра ГУУС на тэрыторыі цэнтра ізаляцыі правапарушальнікаў. Фотарэпартаж Юліі Дарашкевіч.

15 студзеня ў Мінску ў межах антыалкагольнай акцыі сталічнай міліцыі «Калі піць — у сям’і не жыць» адбылася першая сёлета адпраўка ў ЛПП у Навагрудак 35 хранічных алкаголікаў, жыхароў сталіцы. Мерапрыемства прайшло пры ўдзеле аркестра ГУУС на тэрыторыі цэнтра ізаляцыі правапарушальнікаў.

Тым, каго адпраўлялі ў лячэбна‑працоўны прафілакторый, раздалі кефір.

Пагрузка ў аўтобус праходзіла пад кампазіцыю з эпізоду «Напарнік» кінакамедыі Леаніда Гайдая «Аперацыя «Ы» і іншыя прыгоды Шурыка» і марш «Развітанне славянкі». Усе адпраўленыя ў ЛПП — мужчыны. Праз некалькі гадзін тут жа пройдзе адпраўка ў лячэбна‑працоўны прафілакторый 10 жанчын‑алкаголікаў.

Як паведаміў у гутарцы з журналістамі начальнік упраўлення аховы правапарадку і прафілактыкі ГУУС Мінгарвыканкама Юрый Сарокін, у Беларусі працуюць тры мужчынскія і адзін жаночы ЛПП, «якія выконваюць функцыі ізаляцыі антысацыяльных элементаў ад грамадства» і ажыццяўляюць іх лячэнне. Летась у ЛПП было накіравана 850 чалавек, у тым ліку 135 жанчын.

Прадстаўнік ГУУС зазначыў, што адпраўка ў ЛПП не лічыцца судзімасцю, хаця рашэнне аб гэтым прымае суд, які прызначае тэрмін знаходжання ў прафілакторыі — ад 1 да 1,5 года.

Вячаслаў Будкевіч, БелаПАН

0
ГЕНА / Адказаць
15.01.2009 / 18:12
Ну это просто стёб. Вот почему только запретили провести настоящую антиалкогольную акцию, организованную "снизу"? Видимо этот оркестр - просто спектакль для фотожурналистов.
0
jahorau / Адказаць
15.01.2009 / 19:35
насамрэч гэта здзек. алкагалізм гэта такая ж хвароба, як і наркаманія. ці туберкулёз, але з ускладненнем - моцнай псіхічнай залежнасцю.
0
Рэшка / Адказаць
15.01.2009 / 19:43
"запретили провести настоящую антиалкогольную акцию"", но пригласили прессу на отъезд бухариков с оркестром - это потому что МВД на самом деле нужна показуха и активные импотентные телодвижения, а не реальные результаты борьбы с пьянством.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру