06.05.2019 / 12:40

У пункце пропуску на беларуска-польскай мяжы знайшлі бомбу часоў Другой сусветнай вайны. Рух праз «Брузгі» перакрыты 2

У пункце пропуску «Брузгі» прыпынена афармленне транспарту ў абодвух напрамках.

Фота Дзяржпагранкамітэта.

У пункце пропуску «Брузгі» прыпынена афармленне транспарту ў абодвух напрамках, паведаміў карэспандэнту БЕЛТА афіцыйны прадстаўнік Дзяржпагранкамітэта Антон Бычкоўскі.

«Паводле інфармацыі польскага боку, у пункце пропуску «Кузніца Беластоцкая» падчас яго рэканструкцыі была знойдзена бомба часоў Другой сусветнай вайны. Польскі бок спыніў афармленне як на ўезд, так і на выезд усіх відаў транспарту. Вядуцца мерапрыемствы па арганізацыі бяспекі. У сувязі з гэтым пункт пропуску «Брузгі» не функцыянуе да аднаўлення работы пункта пропуску на сумежным баку», — распавёў Антон Бычкоўскі.

Ён парэкамендаваў беларусам, якія плануюць свае паездкі ў польскім напрамку, улічваць гэтую інфармацыю і пры магчымасці выбіраць іншыя пункты пропуску.

Хочаш падзяліцца важнай інфармацыяй ананімна і канфідэнцыйна?

6
Электробус / Адказаць
06.05.2019 / 15:45
Смешна чытаць гэную версію. Месца, якое памежнікі дзвюх краін абследвалі з металадэктарамі на працягу 70 год!!!! Прызналіся б шчыра: вучэнні МНС. Якім напляваць на людзей у калейцы.
1
Йа / Адказаць
06.05.2019 / 17:35
Электробус, ты безграмотный? Поляки нашли на своей территории!...
Каб пакінуць каментар, калі ласка, актывуйце JavaScript у наладах свайго браўзеру