У Івана-Франкоўскай вобласці грузавік, які перавозіў больш за 20 турыстаў, перавярнуўся ў раку Чорны Чарамош: паведамляецца як мінімум пра трох загінулых.
Паводле паведамлення МУС Украіны, у аўтамабілі знаходзіліся 23 чалавекі, з іх 19 чалавек выратавана, трое загінулі, яшчэ аднаго шукаюць.
«Па стане на 14:20 былі знойдзеныя ўсе асобы. Тры чалавекі загінулі. У лячэбныя ўстановы шпіталізаваны 10 чалавек, з іх адна жанчына ў цяжкім стане. Медыцынскае абследаванне астатніх асоб працягваецца», — гаварылася ў наступным паведамленні.
Турысты, якія знаходзіліся ў грузавіку, як мяркуецца, з'яўляюцца грамадзянамі Беларусі.
Трагедыя адбылася 6 мая ў вёсцы Краснік Верхавінскага раёна, грузавы аўтамабіль з кунгам, які перавозіў турыстаў, перавярнуўся ў раку Чорны Чарамош з вышыні каля 40 метраў. Пра гэта стала вядома ратавальным службам у 11:43.
facebook.com/mvs.gov.ua
facebook.com/mvs.gov.ua
На месцы здарэння працуюць 45 чалавек асабовага складу і 9 адзінак тэхнікі. Працягваюцца пошукава-выратавальныя работы.