06.05.2019 / 18:53

Сталі вядомыя імёны беларусаў, якія загінулі ў жахлівай аварыі ў Карпатах ФОТЫ 15

Сёння, 6 мая каля 11:30 гадзін ля сяла Быстрэц, што ў Верхавінскім раёне Івана-Франкоўскай вобласці, грузавы аўтамабіль з беларускімі турыстамі зляцеў з абрыву вышынёй 40 м і зваліўся ў раку Чорны Чарамош.

Паліцыя вызначыла, што 47-гадовы кіроўца аўтамабіля не даў рады кіраванню на пад'ёме, у выніку чаго аўтамабіль пакаціўся ўніз і перакуліўся ў раку. Кіроўца — жыхар аднаго з сёлаў Косаўскага раёна — быў у стане алкагольнага ап'янення. 

Загінулі трое чалавек. Сярод іх і кіраўнік групы 28-гадовы Яўген Іваноў.

Іваноў — ураджэнец Слоніма. Ён узначальваў турклуб «Круцім зямлю». Зарабляў на жыццё тым, што вадзіў турыстаў у паходы па Беларусі і замежжы.

У апошні свой тур Яўген сабраў 23 чалавекі. З 5 да 7 мая група мела сплаўляцца па рацэ ў Карпатах — але машына не даехала да пункту, скуль турысты планавалі стартаваць.

Разам з Івановым загінулі дзве турысткі.

Тамары Ашухінай было 27 гадоў. Яна родам з Гомеля.

Cябар Тамары Ашухінай Міхаіл Ананьеў расказвае, што калі ён пазнаёміўся з ёй, дзяўчына займалася прыроднымі рэсурсамі.

«А ў мінулым годзе стала займацца арганізацыяй навукова-тэхнічных выстаў, яна вельмі разумная дзяўчына, размаўляла на некалькіх мовах, цікавілася важнымі рэчамі. На жаль, апошнім часам мы з ёй бачыліся рэдка, я жыву не ў Беларусі. Але, акрамя Тамары, у гэтым падарожжы было некалькі маіх сяброў. Яны любілі вандраваць, апошнія гады часта ездзілі ў розныя краіны, спрабавалі розныя віды спорту, нядаўна ў Беларусі сплаўляліся на байдарках і вось вырашылі паехаць у Карпаты на майскія святы».

Трэцяя загінулая — 23-гадовая Ангеліна Юшкевіч, ураджэнка Бабруйска. Дзяўчына жыла ў Мінску.

Чытайце таксама: У Карпатах па віне п'янага кіроўцы грузавік з беларусамі зляцеў з 40-метровага абрыву

2
Владимир.Бобруйск / Адказаць
06.05.2019 / 19:18
Мои соболезнования. 
1
Жэнiк / Адказаць
06.05.2019 / 20:35
Нахожусь в шоке, мой брат должен был идти в этот поход, но жена не пустила в последний момент.  Женю знаю пару лет, пару раз ходил с ним в байдарочные походы, очень хороший человек, хороший организатор, спокойный, всегда поможет, подскажет,   бывший офицер, он оставил службу ради  этого дела, он отдавался ему сполна,  и увлекал людей. Пусть земля ему будет пухом... 
1
Усяслаў / Адказаць
06.05.2019 / 21:10
Які жаль. Вечная памяць
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру