Па даных спадарожнікавых здымкаў, атрыманых і прааналізаваных амерыканскім аналітычным цэнтрам, поўным ходам ідзе будаўніцтва першага поўнапамернага авіяносца ў Кітаі, піша Reuters.
Здымкі паказваюць значную актыўнасць на працягу апошніх шасці месяцаў на вялікай верфі каля Шанхая.
Кітай афіцыйна не пацвердзіў, што будуе трэці авіяносец, нягледзячы на нядаўнія намёкі ў дзяржаўных СМІ, а тэрміны і маштабы яго праграмы авіяносцаў застаюцца дзяржаўнай таямніцай.
Як азіяцкія, так і заходнія вайскоўцы, а таксама аналітыкі па рэгіянальнай бяспецы шукаюць інфармацыю пра авіяносец. Як чакаецца, ён стане першай буйной сучаснай платформай Кітая, здольнай весці поўны спектр аперацый ударных груп.
0
0
0
0
0
0
