12.05.2019 / 16:16

У Бабруйску пітбуль пакусаў пяцігадовага хлопчыка і чатырох дарослых 13

У Бабруйску ўвечары 11 мая сабака байцоўскай пароды пакусаў пяцярых чалавек, у тым ліку 5-гадовага хлопчыка, піша «Камерцыйны кур'ер». Сабаку абясшкодзіў кіроўца машыны. Гаспадара жывёлы шукаюць.

Сабака напаў на людзей каля 18.00 у раёне дома № 12 на вуліцы Ванцэці, дзе знаходзіцца падстанцыя хуткай медыцынскай дапамогі. Ва ўстанову і звярнуліся пацярпелыя.

У Бабруйскай бальніцы хуткай медыцынскай дапамогі распавялі, што дарослыя былі змешчаныя ў аддзяленне гнойнай хірургіі, хлопчык знаходзіцца ў дзіцячым хірургічным аддзяленні. Ва ўсіх пацярпелых — пакусаныя рваныя раны, аднак іх жыццю ў дадзены момант нічога не пагражае. Колькі людзі прабудуць на бальнічным ложку, пакуль казаць рана. Па словах лекараў, ёсць верагоднасць нагнаення і іншых ускладненняў.

Афіцыйны прадстаўнік УСК па Магілёўскай вобласці Анастасія Лаўрыновіч паведаміла, што па гэтым факце распачатая праверка. Труп сабакі канфіскаваны і накіраваны ў морг. У цяперашні час гаспадар жывёлы пакуль не ўстаноўлены.

8
фелікс / Адказаць
12.05.2019 / 16:25
Знайсці гаспадара і даць яму выбар - альбо на 2 гады страгача альбо год хадзіць у напысніку. Каб астатнія сабачнікі хутчэй эвалюцыянавалі з малпы у чалавека
47
mikola ramanau / Адказаць
12.05.2019 / 16:31
Sabaku zabili.................Ni dobra....
12
Агрэст / Адказаць
12.05.2019 / 17:09
Сабачатнікі абарзелі ўшчэнт. Ніякім законам яны не падпарадкоўваюцца, паводзяць сябе нахабна і бемкультурна. Закон аб утрыманні хатніх жывел існуе толькі на паперы. За ягоным выкананнем ніхто не сочыць.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру