U.S. Navy
Улады ЗША разглядаюць магчымасць адпраўкі да 120 тысяч вайскоўцаў на Блізкі Усход, калі Іран нападзе на амерыканскіх ваенных або паскорыць працы над ядзернай зброяй, паведамляе The New York Times са спасылкай на крыніцы ў амерыканскай адміністрацыі.
Па дадзеных выдання, адпаведны план прадставіў 9 мая на нарадзе памочнікаў прэзідэнта ЗША выканаўца абавязкаў кіраўніка Пентагона Патрык Шанахан.
План не прадугледжвае сухапутнага ўварвання ў Іран, для чаго спатрэбілася б больш войскаў, адзначаюць крыніцы.
У той жа час, піша выданне, многія з удзельнікаў нарады былі здзіўлены прапанаванай колькасцю вайскоўцаў, якая супастаўная з колькасцю амерыканскіх ваенных, якія ўдзельнічалі ва ўварванні ў Ірак у 2003 годзе.
0
0
0
0
0
0
