14.05.2019 / 12:50

Макей: Канфрантацыя паміж Расіяй і ЕС для нас праблема 5

Фота прадастаўлена Прадстаўніцтвам Еўрапейскага саюза ў Рэспубліцы Беларусь

Міністр замежных спраў Беларусі Уладзімір Макей падчас саміта Усходняга партнёрства ў Брусэлі, каментуючы дасягненні партнёрства, выказаўся, што яму не падабаецца, што нашу краіну некаторыя ўспрымаюць як буферную зону.

«Некаторыя лічаць Беларусь буфернай зонай. Мне не падабаецца гэта фармулёўка. Я б хацеў казаць пра зону росквіту, таму мы вырашылі браць удзел у гэтай ініцыятыве [Усходнім партнёрстве] ад самага пачатку».

Ён заўважыў, што за час партнёрства ёсць дасягненні ў многіх сферах. Напрыклад, эканамічнай. За апошні год доля ЕС у нашым экспарце вырасла з 26% да больш чым 30%. ЕС стаў для Беларусі другім па велічыні гандлёвым партнёрам.

Уладзімір Макей агучыў і нявырашаныя праблемы. Адна з іх — канфрантацыя паміж Еўрапейскім саюзам і Расіяй.

«Для нас гэта праблема. Мы знаходзімся паміж двумя лагерамі і пакутуем ад гэтага. Таму мы выступаем за інтэграцыю інтэграцый».

Міністр выказаўся таксама наконт рознагалоссяў з Літвой па АЭС у Астраўцы, якія адцягваюць падпісанне Прыярытэтаў партнёрства паміж Беларуссю і ЕС.

«Я, шчыра кажучы, не разумею, чаму з-за пазіцыі адной краіны мы не можам пераадолець перашкоды, якія не даюць падпісаць дакумент».

Наталля Лубнеўская, Брусэль

1
Зямеля / Адказаць
14.05.2019 / 13:09
Иди уже безвиз подписывай, балабол
0
Палкоўнік Зэман / Адказаць
14.05.2019 / 13:10
Вы б свае праблемы рашалi, а Расiя i EC свае парашаюць!
8
LitvinM / Адказаць
14.05.2019 / 13:11
Я таксама не разумею, чаму мы "павінны моцна пастарацца" (як кажуць тут пэўныя чыноўнікі суседкі на Белсаце) каб спадабацца гэтай краіне і каб яна нам "паверыла"? Мне гэта маскавітаў нагадвае 100% - не больш ні менш. А можа нам і пятачку лізнуць яшчэ
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру