14.05.2019 / 13:02

Мінскае «Дынама» ўзначаліў першы беларускі хакеіст у НХЛ 5

Настаўнікам «зуброў» стане 50-гадовы беларускі спецыяліст Аляксандр Андрыеўскі, паведамляе афіцыйны сайт клуба.

Яшчэ гульцом сп. Андрыеўскі ў суме правёў за «Дынама» дзевяць сезонаў. Пагуляў у ЗША, Фінляндыі, Італіі, Нямеччыне, Расіі. Форвард стаў першым айчынным хакеістам у НХЛ («Чыкага Блэк Хоўкс») і найлепшым хакеістам Беларусі ХХ стагоддзя паводле апытання газеты «Прессбол». Доўгія гады быў лідарам і капітанам нацыянальнай зборнай.

Аляксандр Андрыеўскі — сапраўдны дынамавец.

Прычым трэнерскую працу пачынаў у «Дынама»: у сезоне-2006/07 асіставаў Любаміру Покавічу і Эдуарду Занкаўцу. 

На другі год існавання КХЛ прыняў «зуброў» па ходзе «рэгуляркі», змяніўшы на мастку Глена Хэнлана. У далейшым ён на працягу пяці сезонаў уваходзіў у штаб каманды: двойчы яго ўзначальваў, а таксама дапамагаў Марэку Сікору і Кары Хейкіля. Пад кіраўніцтвам Андрыеўскага дынамаўцы заваявалі Кубак Шпэнглера-2009.

Трэніраваў уладзівастокскі «Адмірал», двойчы выводзіў «маракоў» у плэй-оф з 6-га месца Усходняй канферэнцыі. Па ходзе цяперашняга сезона Аляксандр Леанідавіч прыняў «Сібір», якая да таго моманту праваліла старт. Беларусу ўдалося выправіць сітуацыю. У далейшым каманда набрала амаль пяцьдзесят працэнтаў ачкоў і да апошняга змагалася за месца ў плэй-оф.

0
Жвір / Адказаць
14.05.2019 / 13:10
Uchvaliaju ! Rady, što nie Zacharaū, ci Nazaraū toj. 
0
VVV / Адказаць
14.05.2019 / 13:54
Пракiнулi касца?
1
Ulad / Адказаць
14.05.2019 / 14:11
 Рэдакцыя, выпраўце, калі ласка "Пад пачаткам Андрыеўскага..." 
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру