14.05.2019 / 17:44

Нацыянальны выставачны цэнтр з'явіцца каля Дарогі смерці ў Курапатах? 20

Курапаты. Ілюстрацыйны здымак

На ўскрайку Мінска да 2021 павінен з'явіцца Нацыянальны выставачны цэнтр. Яго плошча складзе каля 30 тысяч квадратных метраў. 

Пра гэта стала вядома па выніках нарады ў Аляксандра Лукашэнкі.

Кіраўнік краіны наракаў, што ў краіне няма месца, дзе можна было б праводзіць буйныя гандлёвыя і прамысловыя выставы.

У эфіры БТ будоўлю ўжо назвалі новым «нацыянальным праектам». 

Першы віцэ-прэм'ер Аляксандр Турчын заявіў, што Выставачны цэнтр з'явіцца побач з гандлёва-забаўляльным цэнтрам «Экспабел» на поўначы Мінска.

Пазначаны на карце ўчастак — адзінае свабоднае месца для будоўлі. Астатнія абшары зямлі па суседстве належыць розным юрыдычным асобам.

Аднак гэты ўчастак непасрэдна суседнічае з лесам у Курапатах. «Дарога смерці», якая праходзіць праз поле, найхутчэй, стане мяжой Выставачнага цэнтра.

Прынамсі так выглядаў папярэдні праект, які быў часова адхілены.

Фіялетавы колер — ахоўная зона Курапатаў. Справа ад яе знаходзіцца «Дарога смерці». На яе месцы можа з'явіцца аўтамабільная дарога, а за ёй паўстане Выставачны цэнтр.

***

«Дарогай смерці» называюць былы шлях на полі паміж Курапатамі і «Экспабелам», па якім у 1930-я гады людзей вазілі ў «чорных варанках» з Мінска ва ўрочышча на расстрэл. Траса гэтага шляху ідзе ад МКАДу да шашы «Заслаўе — Калодзішчы» амаль паралельна лініі ўсходняй мяжы курапацкага лесу.

***

Актывісты і даследчыкі адзначаюць «Дарогу смерці». На гэтым полі, магчыма, і пабудуюць Выставачны цэнтр. Фота «Новага часу»

Месца магчымай пабудовы не ўваходзіць у ахоўную зону, не з'яўляецца тэрыторыяй гісторыка-культурнай каштоўнасці.

Яно лічыцца зонай рэгуляванай забудовы, пры выкананні нормаў будаваць там можна. 

Што думаюць пра сітуацыю абаронцы Курапатаў? У каментары «Нашай Ніве» палітык Павел Севярынец сказаў, што «справа кепская, трэба будзе станавіцца на абарону». 

Арцём Гарбацэвіч

5
Бел / Адказаць
14.05.2019 / 17:55
И теперь выставки с музыкой, а может быть и салютами и фейверками, будут открываться прямо возле массовых захоронений?

Нет уж - стройте в Щомыслицах, как ранее планировали. Или переделывайте автовокзал "Восточный"!
4
LitvinM / Адказаць
14.05.2019 / 18:30
Зразумела што Лукашенка і яго паследыші будуць усяляк хаваць Курапаты. Не маральна і не духоўна, так дрэвамі, будынкамі, кабакамі абнясуць з усіх бакоў. Галоўнае - каб не было бачна, каб было схавана ад вачэй
5
Палкоўнік Зэман / Адказаць
14.05.2019 / 18:48
Гадоў 10 таму гэты праект ужо абмяркоўвалi. Разумныя голавы прапаноўвалi пабудаваць гэты Центр у Шчомыслiцы. Антыбеларусы настойвалi на Курапатах. Тады да паразумення не прыйшлi, а можа iнвестара не знайшлося. I вось зноў паднялi з архiву!
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру