16.05.2019 / 15:54

МЗС: Беларусь не хоча выбіраць паміж Захадам і Усходам 17

Фота Волі Афіцэравай

Міністэрства замежных спраў Беларусі ўпэўнена ў неабходнасці адмовы ад контрпрадуктыўнай дылемы паміж Усходам і Захадам, піша БелТА.

«Мы ўпэўненыя ў тым, што адмова ад контрпрадуктыўнай дылемы «з Усходам ці з Захадам» з'яўляецца укладам у будучую неабходную і, я спадзяюся, непазбежную нармалізацыю адносін у Еўрапейскім рэгіёне або, хутчэй, у рэгіёне АБСЕ», — заявіў намеснік кіраўніка МЗС Алег Краўчанка.

«Калі глядзець на сітуацыю з Беларусі, у якасці рызыкі уяўляецца менавіта канфрантацыя, якая працягваецца і ўзмацняецца. Абмен абвінавачваннямі ў тым, што прычына цяперашняй небяспечнай сітуацыі — у дзеяннях іншага боку, на наш погляд, не прывядзе ні да чога, бакі ніколі не змогуць дамовіцца», - дадаў ён.

Краўчанка лічыць, што прычынамі гэтай канфрантацыі з'яўляецца страта даверу паміж лідарамі краін. На думку дыпламата, для яго пераадолення неабходна сістэма ўзаемнага «сігналізавання аб адсутнасці пагрозы». Акрамя таго, занепакоенасць беларускага МЗС выклікае парушэнне сістэмы міжнародных дамоўленасцей і ўзгодненых правіл.

1
LitvinM / Адказаць
16.05.2019 / 16:15
Новай Швейцарыей стаць - грашей яўна не хапае. І нават пры гэтым нейтральным становішчы пріхіліцца ўсероўна прыйдзецца, бо - зноў такі - не ЗША і не Кітай наша сіневокая. А калі ўжо і прыхіляцца, то да таго, хто не пагражае цябе самому з пункта гледжаньня твайго існаваньня. І не трэба трымаць народ Беларусі за поўных ідыетаў і дундосіць пра нейтральнасьці сеньняшняга рэжыма. 
1
мясцовы2 / Адказаць
16.05.2019 / 16:23
Ну дык вось і дажыліся, што за нас зрабілі выбар. На ўсходзе.
1
Мордехай В. / Адказаць
16.05.2019 / 16:52
Швейцарыя стала Швейцырыяй толькi таму, што 500 год паспяхова змагалася з Габсбургамi, Валуа i iншымi феадальнымi дынастыямi. Але ж яна заўжды знаходзiлася ў сэрцы еўрапейскiх падзей, i нiкуды не выпадала.

Беларусь жа - гэта марка цi францiр - памежная зямля. Альбо ў складзе еўрапейскай айкумены, як 600 год гiсторыi, альбо ў складзе стэпавага варварства, як апошнiя 200 год. Анiякi 3-i шлях немагчымы. 

Казаць аб "нармалiзацыi ў рэгiёне" гэта адное, што кiраўнiцтву паўночнаафрыканскiх ды блiжнеўсходнiх краiн спадзявацца, што заўтра клiмат знянацку будзе змяняцца ў адваротны бок, i замест наступу гарачынi ды пустынi зноў будуць рэкi i далiны, як у антычныя часы. Так, мабыць будуць. Гадоў праз 5000.

А жыць трэба зараз.
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру