У чацвер, 16 мая ў Тэль-Авіве адбыўся другі паўфінал міжнароднага песеннага конкурсу Еўрабачанне 2019.
Па выніках другога этапа конкурсу вызначыліся ўсе ўдзельнікі фіналу, які пройдзе ў гэтую суботу, 18 мая. У прыватнасці, па выніках галасавання ў гранд-фінал Еўрабачання 2019 прайшлі 10 краін: Паўночная Македонія, Нідэрланды, Албанія, Швецыя, Расія, Азербайджан, Данія, Нарвегія, Швейцарыя і Мальта.
Нагадаем, што падчас першага паўфіналу таксама вызначылася дзясятка фіналістаў.
- Грэцыя: Кацярына Дуска — Better Love
- Беларусь: Зена — Like It
- Сербія: Невена Божавіч — Круна
- Кіпр: Тамта — Replay
- Эстонія: Віктар Крон — Storm
- Чэхія: Lake Malawi — Friend of a Friend
- Аўстралія: Кейт Мілер-Хайдке — Zero Gravity
- Ісландыя: Hatari — Hatrið mun sig
- Сан-Марына: Серхат — Say Na Na N
- Славенія: Зала Краль і Гашпер Шантл — Sebi
Акрамя таго, у фінале да пераможцаў першага і другога паўфіналаў далучыцца ўдзельнік з краіны, якая прымае конкурс — Ізраіля, а таксама ўдзельнікі, якія прадстаўляюць краіны Вялікай пяцёркі, якія штогод аўтаматычна праходзяць у заключны этап конкурсу.
