17.05.2019 / 06:09

Забойцы інспектара ДАІ ў Магілёве пакуль не затрыманыя. Праца вялася ўсю ноч 6

Па трасе Мінск — Магілёў пасля гадзіны ночы яшчэ былі выстаўленыя тры блокпасты з узброенымі міліцыянтамі. Таксама супрацоўнікі ДАІ дзяжураць на вуліцах начнога Магілёва, паведамляе Радыё Свабода.

Месца, дзе было знойдзена цела забітага міліцыянта, ачэпленае. Гэта лес непадалёк ад скрыжавання аб'язной дарогі вакол Магілёва і шашы на Шклоў. Сюды прыехала перасоўная крыміналістычная лабараторыя. Тут жа ўсталяваная аварыйная асьвятляльная мачта.

«Пра акалічнасьці расказваць вельмі рана, — паведаміла Юлія Ганчарова, афіцыйная прадстаўніца Следчага камітэта. — Вядуцца актыўныя дзеянні па аглядзе месца здарэння. Яшчэ ўсталёўваецца карціна таго, як усё адбылося».

«Зараз вельмі рана рабіць высновы, пакуль не будуць затрыманыя [падазраваныя] у гэтым забойстве», — дадала Ганчарова.

Падазраваныя ў забойстве перамяшчаліся на чорным аўтамабілі Волга на расійскіх нумарах. Таксама з'яўлялася інфармацыя пра затрыманні людзей, якія перамяшчаліся на чорных «Волгах» з расейскімі нумарамі. Юлія Ганчарова патлумачыла, што затрыманьні праходзяць у рамках аператыўных мерапрыемстваў.

«Затрыманьні могуць быць паўсюль», — удакладніла яна.

У Магілёве невядомыя на расійскіх нумарах выкралі і забілі 23-гадовага інспектара ДАІ

11
Павел Ас / Адказаць
17.05.2019 / 06:48
Вось таму мне фільм "Бумер" ніколі не падабаўся. Фільм дзе героізіруюць звычайных ПАДОНКАЎ :( P.s. паглядзем як Шуневіч з сапраўднай справай справіцца, гэта яму не "гарадавога" ахоўваць.
45
Дзмитро Александрыйски / Адказаць
17.05.2019 / 08:01
Чувствуется работа рассийского фсб
5
Pavieł Hančar / Адказаць
17.05.2019 / 09:17
Шлопчыка шкада, дзікае забойства, не з нашага "свету"(.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру