Аляксандр Лукашэнка сабраў нараду па арганізацыі і правядзенні маючых адбыцца выбараў у Палату прадстаўнікоў і Савет Рэспублікі, паведамляе БелТА
«Сёння нам неабходна абмеркаваць шэраг пытанняў, звязаных з парламенцкімі выбарамі, а таксама разгледзець гатоўнасць мясцовых органаў улады да iх правядзення. Выбары прапануецца правесці ў лістападзе гэтага года. З аптымальнымі датамі мы вызначымся ў хуткім часе. Гэта азначае, што асноўныя перадвыбарчыя мерапрыемствы, прадугледжаныя заканадаўствам, павінны пачацца ўжо ў жніўні», — сказаў кіраўнік дзяржавы.
Паводле яго слоў, трэба папярэдне вырашыць усе арганізацыйныя пытанні, каб у перыяд актыўнай выбарчай кампаніі забяспечыць спакойную абстаноўку для свабоднага волевыяўлення беларускага народа.
«Патрабаванні да правядзення выбарчай кампаніі нязменныя. Гэта павінны быць сумленныя, справядлівыя выбары, без надуманых абмежаванняў, каб ні ў кога не было сумневаў у іх легітымнасьці», - падкрэсліў беларускі кіраўнік.
