Яўген Патаповіч, фота магілёўскай міліцыі
УУС Магілёўскага аблвыканкама звяртаецца па дапамогу да насельніцтва.
Цяпер праваахоўнікамі прымаюцца вычарпальныя меры па раскрыцці забойства супрацоўніка батальёна ДПС ДАІ УУС, здзейсненага 16 мая, паведамляецца ў акаўнце магілёўскай міліцыі.
Міліцыя просіць адгукнуцца грамадзян, якія бачылі ці маюць інфармацыю аб аўтамашыне, у якую 16 мая з 17:30 да 18:20 сядаў інспектар ДПС ДАІ ў форменным абмундзіраванні ў раёне вуліцы Першамайскай г. Магілёва, а таксама завулка Мігая (гасцініца «Дняпро»).
Звяртаем увагу вадзіцеляў транспартных сродкаў!
Калі вы знаходзіліся ў названы прамежак часу ў дадзеным раёне, просім прадаставіць у наш адрас запісы з відэарэгістратараў.
Пры наяўнасці інфармацыі або запісу просім неадкладна ператэлефанаваць па тэлефонах 8 (029) 314-46-66, 8 (029) 802-46-66, 8 (029) 693-64-25 або па тэлефоне 102.
Ананімнасць і ўзнагарода гарантуюцца!