18.05.2019 / 13:19

Віцэ-канцлер Аўстрыі падаў у адстаўку праз скандальнае відэа з «багатай расіянкай» 5

Аўстрыйскі прэм'ер Курц выключае магчымасць далейшага супрацоўніцтва з віцэ-канцлерам Штрахе, што прадстаўляе Партыю свабоды. Віцэ-канцлер падаў у адстаўку.

Пры гэтым ёсць варыянт, што кааліцыя ўсё роўна будзе захавана, а Штрахе на пасадзе намесніка канцлера заменіць іншы прадстаўнік партыі. Гаворка можа ісці пра міністра транспарту Ноберта Хофера, які лічыцца правай рукой лідара Партыі свабоды.

У 2016 годзе Хофер ледзь не выйграў прэзідэнцкія выбары ў Аўстрыі, аднак у другім туры саступіў Аляксандру Ван дэр Белену.

Палітычны крызіс у Аўстрыі пачаўся пасля таго, як нямецкія Suddeutsche Zeitung і Spiegel апублікавалі відэазапіс, зроблены ў ліпені 2017 года. На ім Штрахе і яго памочнік Ёхан Гудэнус правялі на Ібіцы перамовы з нібыта пляменніцай расійскага алігарха. Яна заявіла ім пра жаданне купіць 50% акцый уплывовай аўстрыйскай газеты Kronen Zeitung. Пры ўдалым зыходзе здзелкі яна нібыта паабяцала ім дапамогу на парламенцкіх выбарах у кастрычніку 2017 года, а наўзамен палітыкі паабяцалі яе сям'і доступ да дзяржаўных кантрактаў.

Чытайце таксама: Віцэ-канцлеру Аўстрыі прапаноўвала грошы «багатая расіянка» ўзамен на дзяржзаказы ВІДЭА

0
NavuchencaBK / Адказаць
18.05.2019 / 15:22
Справа Буцінай нашмат шырэйшая, чым можна уявіць?
15
Максим Дизайнер / Адказаць
18.05.2019 / 16:27
Ай, какая пичалька. Теперь доступы к госконтрактом будет раздавать правящая партия. Джаст бизнес, нат персанал
0
Ян Севярын Бакей / Адказаць
18.05.2019 / 16:31
і нешта я ня чуў, каб Курц раздаваў землі пад элітныя мільённыя катэджы за капейкі (толькі чтобы не варавалі..) альбо сіпеў на селектарных "бітвах за ураджай". што, маўляў, галовы за карупцыю паадрываю.. калі ў краіне правіць пісаны закон і ёсьць рэальны падзел улады, калі, нарэшце, грамадская супольнасьць вачыма " чацьвёртай галіны улады"пільна сочыць за тымі трыма - няма патрэбы ў грозных воклічах і дэмантратыўных арыштах ( зь ціхай амністыяй неўзабаве і мястэчкам у раённай наменклятуры..)
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру