У Кіеве а 10-й пачалася цырымонія інаўгурацыі шостага прэзідэнта Украіны Уладзіміра Зяленскага.
Новаабраны прэзідэнт прыме прысягу ўкраінскаму народу падчас урачыстага пасяджэння Вярхоўнай Рады. На цырымонію прыедуць прэзідэнты пяці краін: Латвіі (Раймандс Веёніс), Літвы (Даля Грыбаўскайце), Эстоніі (Керсці Кальюлайд), Грузіі (Саломэ Зурабішвілі) і Венгрыі (Янаш Адэр). Ад Беларусі бярэ ўдзел віцэ-прэм'ер Ігар Ляшэнка.
«Я не хачу, каб у вашых кабінетах былі мае партрэты», — сказаў прзэзідэнт Украіны Уладзімір Зяленскі падчас выступу ў Вярхоўнай Радзе.
«Я не ікона», — заявіў ён. — Лепш павесьце ў сябе партрэты сваіх дзяцей і глядзіце ім у вочы, калі прымаеце нейкія рашэнні».
Зяленскі сказаў, што да гэтага часу яго задачай было рабіць усё каб украінцы ўсміхаліся. «Наступныя пяць гадоў я паспрабую рабіць так, каб украінцы не плакалі», — дадаў ён.
Ён таксама прапанаваў падаць у адстаўку ўраду Украіны і «вызваліць месца для будучых пакаленняў».
Парламентарыяў Зяленскі заклікаў прыняць законы аб зняцці дэпутацкай недатыкальнасці і пра крымінальную адказнасць за незаконнае ўзбагачэнне, а таксама звольніць кіраўніка СБУ, генпракурора і міністра абароны Украіны.
«І гэта далёка не ўсё, што вы можаце зрабіць. Але для пачатку дастаткова. У вас на гэта 2 месяцы. Зрабіце гэта і павесьце медалі сабе. Някепскія балы на датэрміновыя парламенцкія выбары. Я распускаю Вярхоўную Раду 8-га склікання. Слава Украіне!» — заявіў Зяленскі.
