20 мая следчыя паведамілі, што магілёўскі даішнік Яўген Патаповіч, якога знайшлі ў лесе мёртвым, не быў забіты. Па версіі СК, гэта быў суіцыд.
Але ў гісторыі засталося шмат незразумелых момантаў. Следчыя тлумачаць паводзіны міліцыянта тым, што ён старанна намагаўся інсцэніраваць забойства.
Тым часам, пачынаюць віраваць розныя тэорыі: ад зусім канспіралагічных да банальных абвінавачванняў, што следчыя вырашылі «проста закрыць складаную справу». Звязана гэта з тым, што большасць інтэрнэт-карыстальнікаў не верыць у афіцыйную версію.
Паказальная апытанка ў тэлеграм-канале Ігара Лосіка, аднаго зсамых папулярных блогераў. Прагаласавала больш за 10 тысяч чалавек. 94% з іх не вераць, што смерць міліцыянта была самагубствам.