20.05.2019 / 23:13

Французы прапануюць пабудаваць у Сеніцы гандлёвы комплекс з басейнам і паркам на даху ФОТА як вам? 8

Група французскіх кампаній прадэманстравала ў Мінаблвыканкаме праект комплексу «Minsk mall park» у Сеніцы, піша Млын.by.

Канцэпцыю комплексу распрацоўвалі тры кампаніі «SKAISTA», «RESKO» і «Zestful Urban Office». Па задумцы французаў комплекс будзе падзелены на 7 блокаў. У першым размесцяцца гіпермаркет, фудкорт, брэндавыя крамы, цэнтры прыгажосці і фітнесу. Другі блок — забаўляльная пляцоўка з картынгам, боўлінгам, стрытболам, футболам, батутным мястэчкам. Таксама архітэктары прапануюць тут пабудаваць невялікі аквапарк з горкамі і басейнамі для заняткаў воднымі відамі спорту.

У трэцім блоку — кінатэатр на 12 залаў, плюс канцэртная зона на вуліцы. Побач з ёй — сцяна для заняткаў альпінізмам і дзіцячая пляцоўка. Чацвёрты блок размесціцца на даху цэнтра. Па ідэі архітэктара частку даху пераўтвораць у лыжны схіл з сінтэтычным пакрыццём, каб катацца можна было зімой і летам. У іншай частцы высадзяць расліны, і яна стане своеасаблівым паркам адпачынку.

Пяты блок адводзіцца пад прадуктовы рынак. Тут жа мяркуецца абсталяваць гарадскую аранжарэю, дзе расліны будуць вырошчваць эксперыментальнымі і экалагічна бяспечнымі метадамі. Шосты блок зоймуць офісныя будынкі, сёмы адведзены пад гатэль.

Паводле разлікаў праекціроўшчыкаў агульная плошча комплексу з улікам дзвюх парковак на 1000 і 3500 месцаў павінна скласці каля 158 900 квадратных метраў. Арыенціровачны кошт аб'екта — каля 300 мільёнаў даляраў.

Для будаўніцтва цэнтра яшчэ трэба знайсці інвестара і атрымаць ухваленне Лукашэнкі.

11
Владимир.Бобруйск / Адказаць
21.05.2019 / 00:08
Ну что тут сказать?.................проехали б по нашим белорусским глухим деревням,туда, где люди выживают благодаря лесу и огороду.Уже с жиру бесятся не знают как этой столице угодить, О СЕЛАХ И ДЕРЕВНЯХ ДУМАТЬ И СПАСАТЬ НАДО!.
29
фелікс / Адказаць
21.05.2019 / 00:12
Нармальна.
1
Белачупакабра / Адказаць
21.05.2019 / 00:23
Навіны ў будучым часе. Нічога такога не будзе. Атрымаюць ўямлю пад абяцанкі і пабудуюць чарговы ангар аля Карона Замок. І гэта ў лепшым выпадку
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру