21.05.2019 / 13:08

У Мінску ўводзяць аплату праезду банкаўскай карткай у наземным транспарце 2

Але пакуль на адным маршруце.

Фота Волі Афіцэравай

БПС-Сбербанк з 23 мая запускае ў тэставым рэжыме аплату за праезд у наземным транспарце Мінска з дапамогай банкаўскіх бескантактавых карт.

Пакуль гэта будзе працаваць на трамвайным маршруце №6, што курсіруе паміж Серабранкай і Зялёным лугам і з'яўляецца адным з самых працяглых і загружаных маршрутаў горада, паведамілі ў банку.

Плаціць за праезд можна будзе бескантакнай карткай любога банка. Сэрвіс падтрымлівае аплату картамі Visa, Mastercard і Белкарт. Акрамя таго, можна будзе разлічыцца ў транспарце з дапамогай смартфона, брэлокаў, гадзіннікаў і іншых мабільных прылад з падтрымкай тэхналогіі NFC.

Спачатку сэрвіс будзе даступны ў 30 трамваях сталічнага маршруту №6. Пры паспяховай рэалізацыі праекта БПС-Сбербанк плануе распаўсюдзіць сэрвіс на ўвесь грамадскі транспарт Мінска.

Працэс аплаты просты: трэба дастаць карту для аплаты і паднесці яе да валідатара, дачакацца гукавога сігналу і тэкставага паведамлення. Кошт разавага праезду роўны кошту папяровага талона - 60 капеек.

Вывучыць гісторыю паездак і расходаў можна ў асабістым кабінеце пасажыра на сайце сістэмы. Там жа можна будзе ўдакладніць статус банкаўскай карты і атрымаць электронны карт-чэк. Тут таксама ж будуць адлюстроўвацца паездкі, аплачаныя на турнікетах сталічнага метрапалітэна.

Кантроль аплаты будзе такім жа, як і ў выпадку з электроннымі праязнымі.

Пры праверцы трэба будзе данесці да тэрмінала банкаўскую картку, пасля чаго на ім адлюструецца інфармацыя аб факце разліку за праезд у канкрэтным транспартным сродку.

3
Мікола / Адказаць
21.05.2019 / 13:25
ээээ, а потым фэйкаваму кантралёру прыкладеш картку для праверкі аплаты і 20 рублёў -- ёк
0
Mob100 / Адказаць
21.05.2019 / 13:40
Так регаться на сайте системы (линк в студию!) обязательно или опционально? А если сначала оплатил, а потом создал этот аккаунт, то вся история отобразится?
Каб пакінуць каментар, калі ласка, актывуйце JavaScript у наладах свайго браўзеру