21.05.2019 / 16:07

Беларусы хочуць зняць камедыйны серыял пра вёску і збіраюць на яго грошы 19

Суполка энтузіястаў вырашыла зняць беларускі серыял. Па словах аўтараў, камедыя «Свае» заклікана ўзнавiць успаміны пра свае карані, родныя вёсачкі і паселiшчы, любімых бабуль і дзядуль.

Прадзюсер праекта Аляксей Мальцаў расказвае, што ідэя ўзнікла ў мінулым лістападзе. У лютым правялі кастынгі акцёраў — запрасілі звычайных людзей з народу. З медыйных асоб у кіно здымецца вядучы і спявак Іван Вабішчэвіч, вядомы як Дзядзя Ваня.

Сюжэт такі. Хлопец збіраецца ажаніцца, але ўзнікла праблема: нявеста хоча шыкоўнае вяселле, а грошай няма. Адчайнае становішча! Хлопец вырашае прадаць дом, якія застаўся ў спадчыну ад дзядулі. Але хто ж прадае дом, у якім прайшло тваё сонечнае дзяцінства? Аўтары кіно анансуюць камедыйна-дэтэктыўны сюжэт, любоўны трохкутнік і хэпі-энд.

Серыял будзе складацца з шасці серый, працягласць кожнай — да 45 хвілін.

Кіно раскажа пра жыццё гараджаніна на вёсцы. Пакажуць таксама элементы традыцыйных абрадаў і святаў. Напрыклад, у другой серыі будзе сватанне і Масленіца (або Купалле — здымачная група яшчэ вырашае).

Чаму серыял? Аўтары тлумачаць: такі фармат дазваляе паказаць жыццё няспешна. А глядач, назіраючы за героямі, прывыкае да іх і чакае працягу.

Здымкі будуць праходзіць за 75 км ад Мінска. Уся каманда і акцёры працуюць задарма. Апаратура і памяшканні для здымак ёсць. Але патрэбны грошы на харчаванне і транспарт. Каб сабраць іх, каманда запусціла краўдфандынгавую кампанію на пляцоўцы «Вулей». Пакуль з неабходных 3000 рублёў (столькі па падліках аўтараў патрэбна на першую серыю) ёсць толькі 134.

Але прадзюсер запэўнівае: кіно будуць здымаць у любым выпадку, нават калі калі краўдфандынг праваліцца.

— Пакуль серыял разлічаны на інтэрнэт, але калі гатовы прадукт будзе годным, будзем старацца прасунуць яго на тб і ў кінатэатры, — дзеліцца ён планамі.

Прэм’ера чакаецца ў снежні 2020 года.

НЛ

2
Дзядзька / Адказаць
21.05.2019 / 16:38
Ды хопіць ужо здымаць нізка сортную лухту пра калгасную Беларусь!
10
Satan / Адказаць
21.05.2019 / 16:40
Я уже смотрю комедийный сериал про деревню. Свежие яйца называется. Деревня, правда, в Новой Зеландии, но зато интересно и смешно. А Беларусь и чтобы смешно... это какие-то очень разные понятия... Типа как Рай и Ад. Или Бог и таки Сатана. Нет, беларусы могут снимать только про Чернобыль. Или нытьё типа Завтра. Никаких комедий. Не получаются в этой стране комедии.
1
даведка / Адказаць
21.05.2019 / 17:13
Ремейк триллера об обосранных коровах. ))
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру