21.05.2019 / 14:31

За 15 гадоў інвестары ўклалі ў рэканструкцыю гістарычнага цэнтра Мінска амаль паўмільярда рублёў 9

Фота Сяргея Гудзіліна

Дзяржаўнае прадпрыемства «Мінская спадчына» з 2004 года вядзе рэканструкцыю гістарычнага цэнтра горада. Стала вядома, колькі ў гэты праект інвеставалі пазабюджэтных сродкаў, піша Tut.by

Колькі грошай інвестары ўклалі ў рэканструкцыю і рэстаўрацыю гістарычнага цэнтра Мінска за 15 гадоў, распавёў начальнік тэхнічнага аддзела КУП «Мінская спадчына» Сяргей Абрамаў.

- З 2004 года пазабюджэтныя інвестыцыі ў рэканструкцыю гістарычнага цэнтра Мінска склалі 487,7 мільёна рублёў, ужо дэнамінаваныя. Але гэта не толькі грошы інвестараў, але і КУП «Мінская спадчына» — мы таксама ўкладвалі свае грошы.

«Мінская спадчына» - заказчык па рэканструкцыі і рэстаўрацыі гістарычнага цэнтра Мінска. У гэтую тэрыторыю ўваходзіць Верхні горад, кварталы вуліц Камсамольская і Рэвалюцыйная, Ракаўскае і Траецкае прадмесце, а таксама тэрыторыя, якая прылягае да Траецкага прадмесця і Мінскае замчышча.

З моманту зацвярджэння дэталёвага плана на тэрыторыю гістарычнага цэнтра, рэканструкцыю і рэстаўрацыю правялі на 133 аб'ектах. Зараз ідуць працы яшчэ на васьмі аб'ектах гісторыка-культурнай спадчыны.

3
Той самы / Адказаць
21.05.2019 / 14:53
За такую "рэканструкцыю" - пад суд і каб сядзялі не адзін год... Вандалы!

1
Туш / Адказаць
21.05.2019 / 15:17
Я нічога не зразумеў. За 15 гадоў адбылося некалькі дэвальвацый і дэнамінацыя. Сума гучыць прыгожа, але ў рэале гэта колькі ? У далярах ? Па другое, што такое рэканструкцыя на думку Мінскай спадчыны ? Гэта новыя гмахі са шлакаблокаў і з пластыкавымі вокнамі на Нямізе, ці можа гэта Зыбіцкая з яе жахлівым агратрэшам ? Такіх нізкамастацкіх будынкаў сапраўды шмат, але кожны з іх хутчэй зніжае вартасць старога горада, чым дадае. Адзіны рэальны аб'ект, які быў адбудаваны за апошнія 15 год, гэта будынак царквы Святога Духа на плошчы Свабоды. Больш няма нічога. Іншая справа - рэстаўрацыя і добраўпарадкаванне. Тут сапраўды троху зроблена, але толькі троху. У выніку, гэтыя паў мільярды трэба дзяліць на 20, тады мы атрамаем сапраўдныя выдаткі менавіта на стары горад у Мінску. Уся астатняя сума "рэканструкцыі" - гэта новае "інвестэцыйнае" будаўніцтва, якое ня мае нічога супольнага са старым Менскам і яго адраджэннем.   
2
Ліцьвін металіст / Адказаць
21.05.2019 / 15:42
А атрымалася мякка скажам абы што
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру