23.05.2019 / 14:57

З'явіўся новы квэст #размовапобач: шукай беларускамоўных вакол сябе

Любіш выклікі і чэленджы? Арт Сядзіба і SAY.BY запускаюць гульню Збірай #размовапобач.

Звяртайся ў крамах, кавярнях, аптэках, транспарце — паўсюль, дзе магчыма, — па-беларуску. І назірай за рэакцыяй. Калі пачуеш беларускую мову ў адказ, фоткай месца, пішы пра гэта:

• або ў сваім фэйсбуку з хэштэгам #размовапобач. Уступай у суполку @размовапобач, каб бачыць іншых удзельнікаў, дзяліцца і адкрываць для сябе больш месцаў з жывой беларускай мовай!

• або ў гісторыі інстаграма: адзначай акаўнты @artsiadziba i @say.belarus і не забывайся пра хэштэг #размовапобач

Усё, ты ў гульні! Паглядзім, колькі беларускай мовы вакол нас! Удзельнічаць можна з любой кропкі нашай краіны. Найлепшыя і найцікавейшыя гісторыі будуць узнагароджаныя! Першае ўручэнне прызоў пройдзе на «Паспяховым фэсце» 26 траўня ў кавярні «Грай».

nn.by

Каб пакінуць каментар, калі ласка, актывуйце JavaScript у наладах свайго браўзеру