23.05.2019 / 20:55

«Вінаватая мне за час, што правялі разам». Былы сужыцель скраў у магілёўкі тэхніку на 3400 рублёў 2

З кватэры 42-гадовай магілёўкі знік тэлевізар, ноўтбук і гульнявая прыстаўка з трыма ключамі. Агульную шкоду ацанілі амаль у 3400 рублёў. Жанчына падазравала, што рэчы забраў былы сужыцель — дзверы адчынілі ключом.

35-гадовы беспрацоўны прыяцель магілёўкі, расстаўшыся з ёй, забраў ключ ад кватэры, а пасля чакаў моманту. Ведаючы прыблізны расклад гаспадыні кватэры, ён дачакаўся, калі яна сыдзе, і пасля гэтага вынес дарагія рэчы. Свае паводзіны аргументаваў тым, што жанчына «яму вінаватая за час, праведзены разам».

Падазраванага затрымалі. Раней ён быў неаднаразова судзімы за рабаванні, крадзяжы і махлярства. Выкрадзенае часткова канфіскавалі. Вырашаецца пытанне аб завядзенні крымінальнай справы.

0
Cepro79 / Адказаць
24.05.2019 / 03:48
Можа варта пісаць не вінаватая, а вінная?
0
NavuchencaBK / Адказаць
24.05.2019 / 12:02
Ну, што нам гэтае жыцьцё насякомых? Можа, каму й цікава...

Дзеці, дзеткі, кожны дзень дзеткі! То з вакна выпаўшы, то на рэйках загінуўшы, то так званы бацька гвалтаваўшы. Пакуль мы на чарговае дзярмо адцягнулі увагу, знў кагосьці недаглядзеўшыя...
Каб пакінуць каментар, калі ласка, актывуйце JavaScript у наладах свайго браўзеру