24.05.2019 / 14:35

Выйшла кніга «Сучасныя беларускія гаворкі ў Латвіі» 4

Mirosław Jankowiak, Současná běloruská nářečí v Lotyšsku. Charakteristika. Výběr textů // Współczesne gwary białoruskie na Łotwie. Charakterystyka. Wybór tekstów, Praha 2018: Slovanský ústav Akademie věd ČR, 468 ss.

Выйшла новая манаграфія польскага лінгвіста, які даследуе малавядомае — беларускія гаворкі на тэрыторыі сучаснай Латвіі. У першай (Варшава, 2009; пераклад на беларускую мову: 2012, 2015) аўтар апісаў сацыялінгвістычныя аспекты функцыянавання беларускіх гаворак на тэрыторыі Латвіі. У новай кніжцы прадстаўлена больш шырокая характарыстыка структуры гаворак (фанетыка, марфалогія, сінтаксіс, лексіка, фразеалогія), іх паходжанне ды класіфікацыя.

Другую частку складаюць тэксты размоў з жыхарамі Латвіі. Закраналіся такія тэмы, як жыццё ў міжваенны перыяд, час Другой сусветнай вайны, фарміраванне калгасаў і праца ў полі, жыццё пры незалежнай Латвіі, веравызнанне, адукацыя, нацыянальная ідэнтычнасць і шматлікія аспекты, якія датычаць традыцый (абрады, стравы і напіткі, духоўнае жыццё, гульні, традыцыйная медыцына, легенды і інш.). Манаграфія будзе цікавай крыніцай для мовазнаўцаў, этнолагаў ды гісторыкаў — у тым ліку таму, што, як падкрэслівае аўтар, беларускія гаворкі знікаюць на нашых вачах і цяпер засталіся толькі паасобныя людзі, якія карыстаюцца беларушчынай.

Міраслаў Янковяк працуе цяпер у рамках стыпендыі ў Славянскім інстытуце Чэшскай акадэміі навук над новай манаграфіяй, якая будзе датычыць лексікі беларускіх гаворак Латвіі. У планах таксама Слоўнік беларускіх гаворак Латвіі.

nn.by

0
Ён жа / Адказаць
30.05.2019 / 23:31
чаму гэтым не займаецца НАН РБ
0
меркаванне / Адказаць
16.06.2019 / 16:59
Вялікая павага польскаму вучонаму сп. Янковяку за працу на карысць беларусаў.
0
Уж1 / Адказаць
27.06.2019 / 22:40
Мирослав Янковяк - действительно выдающийся ученый! Спасибо!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру