24.05.2019 / 19:29

Беларускія мусульмане падалі просьбу аднавіць мячэць у Ляхавічах, знішчаную за саветамі 15

Як стала вядома «Нашай Ніве», беларускія мусульмане звярнуліся да ўладаў з просьбай дазволіць аднавіць знішчаную мячэць у Ляхавічах. 

Адпаведны зварот накіраваны да ўпаўнаважанага па справах рэлігіі Леаніда Гулякі. 

Інфармацыю нам пацвердзіў муфтый Духоўнага ўпраўлення мусульман Беларусі Алі Варановіч. 

«Сапраўды, у Ляхавічах некалі была мячэць, за саветамі яе разабралі — проста на дошкі. Таму мы нават не прэтэндуем на тое, каб пабудаваць нешта новае, мы хочам аднавіць старое, толькі што з новых матэрыялаў. Дарэчы, нават тое месца, дзе стаяла мячэць, яно цяпер занятае — прыватная ўласнасць. Таму мы просім дазволу аднавіць яе ў канцы вуліцы. Суполка мусульман у Ляхавічах недзе 40 чалавек, але побач і Баранавічы — там з пару соцень. Таму, калі будзе дазвол, туды будзе каму хадзіць, грошы на пабудову мы збяром. Дарэчы, тая вуліца, на якой мы хочам аднавіць мячэць, раней і называлася — Татарская», — сказаў Алі Варановіч. 

Так выглядала згаданая мячэць, фота з сайта www.radzima.org

Паводле словаў муфтыя, улады зацягваюць з выдачай дазволу на будаўніцтва — прайшло ўжо некалькі месяцаў з часу першай падачы. 

АЯ

18
мясцовы2 / Адказаць
24.05.2019 / 19:27
Я, вядома, не мусулмэн, але маю некаторыя сімпатыі да беларускіх татараў. Няхай бы ім дазволілі пабудаваць там мячэт, тым больш, што на гэта ёсць якія-ніякія гістарычныя падставы і хоць якая грамада ў тым рэгіёне.
15
Бабрина / Адказаць
24.05.2019 / 19:57
Не даюць дазвол, бо чакаюць, пакуль дадуць спачатку "на лапу"?
12
Скураныя крылы / Адказаць
24.05.2019 / 20:29
 Можа і прадстаўнікі Царквы і Касцёлу выкажуць свае меркаванні і падтрымаюць. 
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру