25.05.2019 / 17:40

13 гадоў з жалезам у рэбрах. Як хлопец з запалымі грудзьмі стаў мадэллю Calvin Klein 2

Гледзячы на гэтага прыгожага падцягнутага хлопца з шыкоўнай фігурай і чароўнай усмешкай, складана паверыць, што калісьці на яго спалохана глядзелі навакольныя, а потым ён дзень за днём трываў жахлівы боль, піша manchesterevening.

Дэвід Джэймс Сід з Манчэстэра, Англія, нарадзіўся з рэдкім расстройствам — варонкападобнай грудной клеткай. Гэта дэфармацыя, пры якой у хворага назіраецца асіметрычнае паглыбленне ў раёне грудзей. Як гэта нярэдка бывае, хлопцу з-за дэфекту даставалася немалая порцыя навязлівай увагі ад аднагодкаў.

«Гэта стала праяўляцца, калі мне было дзесяць. І далей рабілася толькі горш. Я тады хадзіў у спартыўную школу, займаўся рэгбі. І хлопцы ў распранальні сталі разглядаць мяне, задаваць пытанні».

Калі хлопчыку споўнілася 12 гадоў, лекары сказалі, што дэфект можна выправіць. І яго сям'я пагадзілася на складаную аперацыю, у выніку якой Дэвіду ўсталявалі металічны стрыжань, які мацуецца да рэбраў з абодвух бакоў. Ён павінен быў вярнуць іх у нармальнае становішча. І гэта падзея цалкам змяніла жыццё Дэвіда.

Нягледзячы на невыносны боль, якім суправаджаўся перыяд аднаўлення, хлопчык быў невымоўна рады свайму ператварэнню. Пройдзе некалькі гадоў, і ён, пакручваючы цягліцамі, падыдзе да сваёй мамы і жартаўліва кіне, што аднойчы стане мадэллю. А ў 19 яго на дабрачынным вечары заўважыць незнаёмец, які прапануе хлопцу заняцца мадэльным бізнесам. Пасля будуць кантракты з агенцтвамі і супрацоўніцтва з такім гігантам, як Calvin Klein.

Нядаўна 25-гадовы брытанец падзяліўся ў «Інстаграме» радаснай весткай: праз многа гадоў металічную пласціну нарэшце дасталі, бо ў ёй больш няма неабходнасці. За гэтыя гады ён не толькі здабыў упэўненасць у сабе, але і аб'ездзіў увесь свет, у яго з'явіліся фанаты, Дэвід збіраецца весці ўласны блог пра моду. І хоча, каб людзі ведалі, што за прыгожай карцінкай ў сацсетцы стаіць цэлая гісторыя, поўная болю і перамог.

2
Грязный Гарри / Адказаць
25.05.2019 / 18:28
"Терпение и труд всё перетрут".Ну и медицина соответствующая,в отличие от нашей "бесплатной"...Молодец парень.
0
Виталий Cпикин / Адказаць
26.05.2019 / 02:22
Да уж, о белорусской "бесплатной" медицине лучше молчать, чем говорить.
У меня тоже в детской карточке отмечено "воронкообразная грудная клетка".
Чтобы кто-то предлагал некую там операцию? Смех какой-то. Даже и речи быть не могло, "живой ведь" :)
Каб пакінуць каментар, калі ласка, актывуйце JavaScript у наладах свайго браўзеру